انقرہ۔ 30جولائی ( اے پی پی) ترک صدر رجب طیب اردوآن ئَ یک مزنیں امریکی جنرلے ئِ سرئَ بھتان جتگ کہ آ سرکشی ئِ پندل ساچوکانی بدل ئَ گپ کنگئَ اِنت۔ جرمن ھال رسانک ئِ تہا گشگ بوتگ کہ گوستگیں روچئَ امریکی ھال در ئَ یوایس سنیٹرل کمانڈ چیف جنرل جوزف ووٹیل ئِ ھوالگئَ گشتگ بوتگ کہ ترکی سرکشی ئِ ناکامیں کوشست ءُ فوجءِ تہا مزنیں مٹی ئَ چہ امریکہ ءُ ترکی ئِ عسکری سیادی آماچ بوتگ اَنت۔ اے بیان ءِ سرئَ صدر اردوآن ئَ ترندیں پسو داتگ ءُ گشتگ کہ جنرل جوزف ئَ اے بیان داتگ ءُ پندل ساچوکانی بدلئَ گپ کتگ چوناھہ امریکہئَ را ترکی ئَ را سرکشی ئَ را ناکام کنگئِ سرئَ ترکی ءِ منت وار بوھگ لوٹ ایت ۔ زانگ بہ بیت کہ ترکیئَ ناکام سرکشی ئَ پد 358جرنیل آنی تہا نیمئَ را دزگیر کنگ ءُ مزنیں کساسے ئَ مٹی آرگئِ عمل بندات کنگ بوتگ۔
