ادارُکی  صدر سید یوسف رضا گیلانی ءَ ناروے ءِ سفیر ءِ گس ءِ تر ءُ تاب کتگ، بادشاہ ہارالڈ پنجم ءِ بیرانی ءِ سر ءَ دلپدردی درشان

اسلام آباد۔1ستمبر  (اے پی پی): قائم مقام صدر سید یوسف رضا گیلانی ءَ ناروے ءِ سفیر ءِ گس ءِ تر ءُ تاب کتگ ءُ آئی ءِ تاثر ھم دلپدردی کتاب ءَ نبشتہ کتگ انت۔ سئے شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ قائم مقام صدر ءِ مملکت ءَ را سفارت خانہ ءِ مزنیں کارندہ آں وش اتک کتگ۔ وتی کلوہانی تہ ءَ سید یوسف رضا گیلانی ءَ شاہ ہارالڈ پنجم ءِ بیرانی ءِ سر ءَ سک باز دلپدردی ءُ غم ءِ درشانی کت ءُ پاکستان ءِ حکومت ءُ ناروے ءِ الس ءِ نیمگ ءَ شاہ ھاکون ھشتمی ، شاہی ھاندان ءُ ناروے ءِ الس ءِ نیمگ ءَ دل ءِ جہلانکی ءَ دلپدردی ءِ درشانی کت۔ آئی ءَ گوشت کہ بادشاہ ھارالڈ پنجم ءَ سی ءُ پنچ سال ءَ چہ گیش عقل ءُ شان ءُ لگن ءِ گوما ناروے ءِ ھزمت کتگ ءُ مرحوم بادشاہ ءِ دراجیں حکومت ءُ آئی ءِ وتی ملک ءُ راج ءِ واستہ آئی ءِ ساپ دلیں  ھزمت آناں گوں مزنیں احترام ءَ یات کنگ بیت۔ سید یوسف رضا گیلانی ءَ گوشت کہ اے غم ءِ ساھت ءَ پاکستانی اُلس ءِ دعا   شاہ ہاکون ھشتمی، شاہی ھاندان ءُ ناروے ءِ اُلس ءِ گومااَنت ۔