لوک ورسا میوزیم ءَ مراگش ءَ وفاقی وزیر اورنگزیب خان کاچھی ءُ پاکستان ءَ امریکی قائم مقام سفیر ءَ امریکی لبرٹی بیل ءِ نمائش ءِ بنگیج

اسلام آباد۔23جولائی  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کچھی ءُ پاکستان ءَ امریکی قائم مقام سفیر اینڈی ہیلز ءَ لوک ورثہ   میوزیم ءَ امریکی لبرٹی بیل ءِ نمائش ءِ یکجائی ءَ بنگیج کت کہ اے دود ءُ ربیدگ ءِ نیام ءَ دیریں شریکداری ءِ علامت اِنت۔ جاڑی بوتگیں بیان ءِ رد ءَ وفاقی وزیر ءَ بنگیج ءِ مراگش ءَ گشتانک دیان ءَ امریکی اُلس ءَ را آجوئی ءِ جار ءِ 250 سال ءِ مبارک بات داتگ ءُ پاکستان ءِ اُلس ءِ نیمگ ءَ نیکیں واھگ آنی درشان کتگ۔ آئی ءَ گوشت کہ پاکستان امریکا ءِ گوما دود ءُ ربیدگی سیادی ءَ را گیش مھکم کنگ ءِ واستہ جزمیگ انت، چیا کہ دوئیں ملک آنی نیام ءَ دیریں دو نیمگی سیادی آنی مھکمیں کنٹگ آنی تہ ءَ مردم آنی نیام ءَ مردم آنی رابطہ ءُ دود ءُ ربیدگ ءِ کمک ھوار انت۔ وفاقی وزیر ءَ گوشت کہ پاکستان اگاں چہ نسبتا ورنائیں جمہوریہ اِنت بلے آئینی جمہوریت، انفرادی آجوئی ءُ اقتصادی آجوئی ءِ وڑیں ھما اصول کہ امریکی واب ءِ بُن ھشت ایر کتگ اَنت مئے واستہ ھم المی اَنت۔ آئی ءَ گوشت کہ لوک ورسا میوزیم ءَ اے نمائش ءِ برجم دارگ وشی ءِ وسیلگ اِنت پرچا کہ اے ادارگ پاکستان ءِ زندگیں دود ءُ ربیدگی ورثہ ءِ نگھبان اِنت۔ آئی ءِ رد ءَ اے نمائش پاکستان ءُ امریکہ ءِ دود ءُ ربیدگی، ازمی ءُ راجدپتری سیادی ءِ آدینک ءُ دوئیں ملک آنی زرباری دود ءُ ربیدگ آنی جشن اِنت۔ وفاقی وزیر ءَ پاکستانی ازمکار آنی ازم آنی ساڑاھگ ءَ گوشت کہ پاکستان غیر معمولی ازمکار آنی سرزمین اِنت کہ آ وتی ازم ءِ وسیلگ ءَ راج ءِ واھشت آناں درشان کن اَنت۔ آئی ءَ 16 پاکستانی ازمکار آناں یات دات کہ آیاں امریکی لبرٹی بیل ءَ را بے دروریں ازم ءِ کارانی تہ ءَ بدل کنگ ءَ اے گپ ثابت کت کہ ازم ءِ ھچ وڑیں سیمسر ءُ زبان ءُ راجدپتر نیست۔ اورنگزیب خان کچی ءَ گوشت کہ پاکستان ءُ امریکا ءِ سیادی وت مہ وتی شرپ ءُ شرپ ءُ یکجائی مول ءُ مراد آنی بنیات ءَ انت، وھدیکہ اے سیادی ءَ را گیش مھکم کنگ ءِ واستہ دود ءُ ربیدگی سفارتکاری ءُ السی سیادی ھاسیں کرد پیلو کنگ ءَ انت۔ پاکستان امریکہ ءِ آجوئی ءِ جار ءِ 250سال ءِ درگت ءَ مراگش ءِ تہ ءَ بھر زوری ءِ تہ ءَ وشی ءِ تہ ءَ بھر زوری کنگ ءَ اِنت۔ آئی ءَ امریکی سفیر ءِ دود ءُ ربیدگی ورثہ ءِ رکھینگ ءِ فنڈ ءَ را دود ءُ ربیدگی ورثہ ءِ رکھینگ ءُ دو نیمگی کمک ءِ دیمروئی ءِ تہ ءَ یک ھاسیں گامگیج ءِ رنگ ءَ لیک اِتگ۔ وفاقی وزیر ءَ گوستگیں سال آنی تہ ءَ امریکہ ءَ چہ پاکستان ءِ ارزشتی ایں دود ءُ ربیدگ ءِ چیز آناں سوبمندیں رنگ ءَ واتر کنگ ءِ ھم ذکر کت ءُ گوشت کہ اے ھاسیں سوبمندی دوئیں ملک آنی نیام ءَ نزیکیں کمک ءِ آسر اِنت۔ آئی ءَ نیشنل ہیریٹیج اینڈ کلچر ڈویژن ءِ کوشست آناں ساڑات ءُ گوشت کہ پاکستان ءَ امریکی مشن ءِ گوما نزیکیں رابطہ ءَ چہ دود ءُ ربیدگ ءِ شوبگ ءَ دو نیمگی کمک ءَ را گیش مھکم کت۔ وفاقی وزیر ءَ پاک امریکہ ءِ سیادی ءِ دیمروئی ءِ واستہ پاکستان ءَ امریکی مشن ءِ برجاھیں کمک ءِ ھم ساڑات ءُ امیت سہرا کت کہ ثقافتی شریکداری ءَ چہ دوئیں ملک آنی نیام ءَ وت مہ وتی بھروسہ، دوستی ءُ یکوئی ءَ را گیش دیمروئی رسیت۔ آئی ءَ اے موہ ءِ سر ءَ پاکستان ءُ امریکا ءِ نیام ءَ دود ءُ ربیدگی کمک ءُ مردمی رابطہ آناں گیش مھکم کنگ ءِ ھم لوٹ کرتگ۔ اے موہ ءِ سر ءَ پاکستان ءَ امریکی چارج ڈی افیئرز اینڈی ہیلز ءَ گوشت کہ دود ءُ ربیدگ ءِ ورثہ دوئیں ملک آنی نیام ءَ یک مھکمیں پُل اِنت ایشی ءِ وسیلگ ءَ دوئیں ملک یکجائی ءَ راجدپتر ءِ رکھینگ ءُ دود ءُ ربیدگ ءُ ازم ءِ دیمروئی ءِ واستہ کار کنگ ءَ اَنت۔ آئی ءَ وفاقی وزیر اورنگزیب خان کچھی ءِ منت گپت کہ آئی ءَ اے سال ءِ بندات ءَ 450 ءَ چہ گیش پاکستانی دود ءُ ربیدگ ءِ چیز آنی سوبمندیں واپسی ءِ تہ ءَ کمک کتگ کہ ایشی ءِ ارزشت 23ملین ڈالر اِنت۔ اینڈی ہیلز ءَ گوشت کہ دود ءُ ربیدگی ورثہ ءِ رکھینگ ءِ واستہ وفاقی وزیر ءِ امریکہ ءِ گوما شریکداری اے گپ ءِ درشان اِنت کہ دوئیں ملک دود ءُ ربیدگ ءَ را دو نیمگی سیادی ءِ دیمروئی ءِ یک موثریں وسیلگ لیک اَنت۔ آئی ءَ لوک ورسا ہیریٹیج میوزیم ءَ را لبرٹی بیل منصوبگ ءِ بندات ءِ واستہ جوانیں جاہ لیک اتگ ءُ گوشت کہ اے ادارگ پاکستان ءِ دود ءُ ربیدگی ورثہ ءِ رکھینگ ءِ واستہ مزنیں کردے پیلو کنگ ءَ انت پمیشکا اے امریکی ءُ پاکستانی آجوئی ءِ دود ءُ ربیدگ ، خلاقیت ءِ یکجائی ھیال آنی درشان کنگ ءِ واستہ موزوں تریں جاہ انت۔ اینڈی ہیلز ءَ وتی زاتی سیادی ءِ حوالہ ءَ گشتگ کہ آ فلاڈیلفیا ءَ ودی بوتگ کہ اودا تاریخی لبرٹی بیل امریکی آجوئی ءِ مستریں علامتاں چہ یکے زانگ بیت۔ آئی ءَ گوشت کہ پاکستان ءَ آجوئی ءِ جار ءِ 250سالروچ ءِ مراگش آنی واستہ لبرٹی بیل ءَ را مرکزی جاھ دیگ یک طبیعی پیسلہ یے بوتگ۔ آئی ءَ گوشت کہ آجوئی ءِ بیل ءِ سر ءَ نبشتگیں گال ”آئی ءِ سرجمیں سرڈگار ءُ ایشی ءِ سرجمیں نندوکاں آجوئی ءِ جار ءَ جن اِت“ ءَ گوستگیں دو ءُ نیم کرن ءَ آجوئی ءِ علامت ءِ رنگ ءَ مردمانی نسل آناں الہام داتگ۔ اینڈی ہیلز ءَ گوشت کہ سرجمیں پاکستان ءَ جوڑ بوتگیں لنکن کارنر نیٹ ورک ءِ وسیلگ ءَ 16 پاکستانی ازمکار آناں لبرٹی بیل ءِ لائف سائز ءِ نقل آنی سر ءَ نقاشی کنگ ءِ دعوت دیگ بوتگ، ایشی ءِ تہ ءَ ھر یک ازمکار ءَ را جُست کنگ بوتگ کہ آھانی واستہ آجوئی ءِ بزانت چی اِنت، ایشی ءِ آسر ءَ 16 انفرادی آرٹ ءِ کار جوڑ بوتگ اَنت کہ آ آجوئی، پاکستانی چاگرد ءِ جتا جتائیں نظریات ءِ درشان ءَ کن اَنت۔ آئی ءَ گوشت کہ مرچی اے گھنٹی آنی چارگ ءَ من ءَ پاکستان ءُ امریکہ ءِ یکجائی ورثہ ءِ یات کیت کہ آ اظہار ءِ طاقت، آرٹ ءِ ارزشت ءُ جوانیں آیوکیں وھد ءِ تصور کنگ ءِ آجوئی ءِ سر ءَ باور کنت۔ آئی ءَ گوشت کہ لوک ورسا ءَ پاکستان ءِ دود ءُ ربیدگ ءِ رکھینگ ءِ واستہ بازیں وھد ءَ چہ کار کنگ ءَ اِنت، ءُ نوں اے نمائش ءَ امریکہ ءِ آجوئی ءِ کسہ پاکستان ءِ یک ھاسیں دود ءُ ربیدگ ءِ ادارگ ءَ سر کتگ۔ آئی ءَ نمائش ءَ بھر زوروکیں درستیں ازمکار آناں خراج تحسین پیش کت ءُ گوشت کہ آہاں امریکی لبرٹی بیل ءَ را انفرادی آرٹ ءِ کار آنی تہ ءَ بدل کتگ کہ آ یکجائی انسانی قدر ءُ قیمت آنی درشان ءَ کن اَنت ءُ دوئیں ملک آنی یکجائی آیوکیں وھد ءِ واھند اِنت۔ دوئیں ملک آنی نیام ءَ دود ءُ ربیدگ ءِ ھمگرنچی ءَ را دیم ءَ برگ۔ اینڈی ہیلز ءَ گوشت کہ 2027 ءَ پاکستان ءُ امریکہ ءِ نیام ءَ 80سال ءِ سفارتی سیادی سرجم بنت ءُ آئی ءَ را دل یکیمی انت کہ دود ءُ ربیدگی کمک ءَ چہ دوئیں ملک آنی نیام ءَ دیریں دوستی گیش مھکم بیت۔