سبزیں معیشت ءَ را ورنا آنی مہارت ءَ را قابل تجدید توانائی، بائیو انرجی، موسمیاتی لچکداریں انفراسٹرکچر، وشیں آپ ءِ ورگ ءُ دگہ شعبہ آں کارمرز کنگ ءَ چہ دیمروئی دیگ بوت کنت، ڈاکٹر مصدق ملک

شی زان۔19جولائی  (اے پی پی): موسمیاتی بدلی ءُ چاگردی رکھینگ ءِ وفاقی وزیر ڈاکٹر مصدق ملک ءَ گوشت کہ ورنا آنی مہارت ءَ را قابل تجدید توان، بائیو انرجی، موسمیاتی ءِ رد ءَ ردیں بنیاتی ڈھانچہ، ایمنیں آپ ءِ ورگ ءُ ایندگر چاگرد دوستیں چاگرد ءِ تہ ءَ کارمرد کنگ ءَ چہ خطہ ءَ سبز معیشت ءَ را دیمروئی دیگ بوت کنت۔ پاکستان ءُ چین ءِ سیادی وت مہ وتی ءِ بھروسہ ءِ بنیاد ءَ انت۔ گرین ہاؤس گیسانی گیش بوھگ ءُ جھان ءِ درجہ حرارت ءِ گیش بوھگ ءِ سبب ءَ گلیشیر تیزی ءَ گوں پگھل بوھگ ءَ انت ءُ ایشی ءِ آسر ءَ تباہ کنوکیں سیلاب ءُ ایشی ءَ پد ھشک سالی ءِ سبب ءَ مزنیں جیڑھ ءُ جنجال ءِ سبب جوڑ بوھگ ءَ انت۔ آئی ئَ اے جیڈھ یک شمبے ئِ روچ ئَ درشان کُت اَنت۔ چین ءِ سینکیانگ اویغور وت واجہیں دمگ ءِ تر ءُ تاب ءِ ساھت ءَ 5می چین ءُ زیزانگ ہمالیہ ءِ ہمالیہ ءِ میاں اوستمانی کمک ءِ ھوالگ ءَ میاں اوستمانی کمک ءِ ھوالگ ءَ گشتانک دیان ءَ خان ءَ گوشت کہ فورم ءَ جتا جتائیں ملک آنی پالیسی ساز، ماہرین ءُ سیادی داروکیں ادارگ آنی نمائندگ آنی بھر زوری بوتگ ات، ایشی ءِ تہ ءَ آھاں پائیدار چاگرد ءِ رکھینگ ءُ چیلنج کنگ ءِ ھوالگ ءَ ھیال ءُ لیکہ ءِ درشان کتگ ات۔ ھَند. ڈاکٹر مصدق ملک ءَ وتی کلوہ ءِ تہ ءَ گوشت کہ اے دیوان ایوک ءَ یکجائی تہذیب، دود ءُ ربیدگ، تنوع، فطرت ءُ وت مہ وتی دوستی ءِ جشن نہ اِنت بلکیں انسانیت ءُ فطری چاگرد ءِ رکھینگ ءِ واستہ یکجائی جزم ءِ درشان اِنت۔ آئی ءَ چند حکومت ءِ منت گپت ءُ گوشت کہ چین شریں ءُ مشکلیں وھد ءَ پاکستان ءِ دوست بوتگ ءُ دوئیں ملک آنی نیام ءَ سیادی وت مہ وتی دل یکیمی ءِ سر ءَ بندوک اَنت۔ ہمالیہ ءُ ٹرانس ہمالیہ ءِ کوہانی سلسلہ ءِ وسیلگ ءَ پاکستان ءُ چین ءِ نیام ءَ قدرتی ءُ چاگردی سیادی ءَ را اشارہ کنان ءَ وفاقی وزیر ءَ گوشت کہ پاکستان یک انچیں ملکے کہ ایشی ءِ تہ ءَ نزیک ءَ 13500 گلیشیر است انت ایشی ءَ چہ موسمی بدلی ءُ گلیشیر آنی پگھل بوھگ ءِ اثرات ءَ چہ گیش آماچیں ملک آنی تہ ءَ ھوار انت۔ آئی ءَ گوشت کہ گرین ہاؤس گیس آنی گیش بوھگ ءُ جھان ءِ درجہ حرارت ءِ تہ ءَ گیشی ءِ سبب ءَ گلیشیر آنی تہ ءَ ترندی ءَ گوں پگھل بوھگ ءَ انت ایشی ءِ آسر ءَ تباہ کنوکیں سیلاب ءُ ایشی ءَ پد ھشک سالی ءِ سبب جوڑ بوھگ ءَ انت۔ آئی ءَ گوشت کہ گوستگیں پانزدہ سال آنی ساھت ءَ پاکستان ءَ گلیشیر آنی سبب ءَ نزیک ءَ شش ھزار مردم بیران ءُ نزیک ءَ دو سد ھزار ٹپیگ یا دائمی ناتوان بوتگ اَنت۔ ھمے وھد ءِ تہ ءَ نزیک ءَ چل ملین مردم بے لوگ بوتگ اَنت کہ ایشی ءِ آسر ءَ نزیک ءَ یک ارب ھشتاد ملین وانگجاہ ءِ روچ گار بوتگ اَنت کہ اے موسمی بدلی ءِ انسانی ءُ معاشی اثرانی شدت ءَ پدر کنت۔ ڈاکٹر مصدق ملک ءَ گوشت کہ گلیشیر نا ایوک ءَ قدرتی وسیلگ انت بلکینگ ءَ مئے تہذیب، معیشت ءُ انسانی زندگ دارگ ءِ بُن ھشت انت۔ ایشانی رکھینگ ءِ ھاترا قدرتی وسیلگاں تنازعہ ءِ وسیلہ جوڑ کنگ ءِ بدل ءَ سائنسی کمک، یکجائی پٹ ءُ پول ءُ ذمہ واریں رویہ ءِ سرا عمل کنگ بہ بیت۔ وفاقی وزیر ءَ شیزانگ ءِ جتا جتائیں میتگ آنی تر ءُ تاب ءِ حوالہ ءَ گوشت کہ آئی ءَ اودا دیمروئی ءُ چاگردی رکھینگ ءِ نیام ءَ یک مثالی توازن ءِ گندگ بوتگ، اودا اقتصادی دیمروئی ءَ را دیم ءَ برگ بوھگ ءَ انت ءُ قدرتی چاگرد ءِ رکھینگ ءِ وھد ءَ دیم ءَ برگ بوھگ ءَ انت۔ اے ماڈل ملک ءِ دگہ کوہستانی دمگاں پہ تقلید ءِ لائقیں مثال اِنت۔ آئی ءَ گوشت کہ اگاں چہ جتا جتائیں ملک گلیشیر آنی سر ءَ کار کنگ ءَ اَنت، ءُ ما انفرادی تک ءَ موسمی بدلی ءِ سر ءَ پٹ ءُ پول کنگ ءَ ایں بلے سیم سر آنی سر ءَ یکجائی سائنسی پٹ ءُ پول ءِ کمی اِنت۔ آئی ءَ اے گپ ءِ سر ءَ زور پر دات کہ ہمالیہ ءِ دمگ ءَ گوں سیادی داروکیں ملک آناں یکجائی پٹ ءُ پول ءُ سائنسی کمک ءِ وسیلگ ءَ موسمیاتی چیلنج آنی گیواری ءِ واستہ یکجائی حکمت عملی ءِ سرا عمل کنگ لوٹ ایت۔ اے مول ءُ مراد ءِ واستہ وفاقی وزیر ءَ ھاسیں دمگی گامگیج پیش کتگ اَنت کہ ایشی ءِ تہ ءَ اولی ورچوئل گرین یونیورسٹی ءِ جوڑ کنگ بوتگ کہ ایشی ءِ وسیلگ ءَ دمگ ءِ یونیورسٹی، پٹ ءُ پولکار، زانتکار ءُ نودربر آناں یکجائی پلیٹ فارم ءِ سر ءَ یکجاہ کنگ بوت کنت تانکہ گلیشیر، موسمیاتی بدلی، چاگرد، دیمروئی ءِ لائکیں معیشت ءُ سوسٹا ءِ سرھال آنی سر ءَ یکجائی پٹ ءُ پول ءَ را دیم ءَ برگ بہ بیت۔ آئی ءَ گوشت کہ اے پلیٹ فارم ءَ چہ دست کپتگیں علمی سرمایہ آیوکیں وھد ءَ آرکٹک ءِ دمگ ءِ دگہ چاگردی رد ءَ حساسیں دمگ آنی واستہ ھم کارآمد ثابت بوت کنت۔ دومی تجویز گرین فیلڈز ءِ سرھال ءَ پیش کنگ بوتگ کہ ایشی ءِ مول ءُ مراد ورنائیں کاروباری مردم آناں مالی کمک، سرمایہ کاری ءُ تکنیکی رہشونی ءِ وسیلگ ءَ قابل عمل گرین اسٹارٹ اپس ءِ دلبڈی دیگ اِنت۔ آئی ءَ گوشت کہ ورنا آنی مہارت ءَ را قابل تجدید توانائی، قابل تجدید ٹیکنالوجی، موسمیاتی ردوم ءِ رد ءَ بنیاتی ڈھانچہ، وشیں آپ ءُ ایندگر چاگرد دوستیں شوبگ آنی تہ ءَ کارمرد کنگ ءَ چہ خطہ ءَ سبز معیشت ءِ دیمروئی کنگ بوت کنت۔ وفاقی وزیر ءَ گرین کلاؤڈ ءِ تجویز پیش کت، ایشی ءِ چیر دستی ءَ سرکاری یونیورسٹی ءُ سرکاری وسیلگ آنی نیمگ ءَ چہ سائنسی پٹ ءُ پول ءُ دانشورانہ ملکیت یک مشترکہ ڈیٹا پلیٹ فارم ءِ سر ءَ دستیاب کنگ بیت تانکہ پٹ ءُ پولکار، سائنسدان، نوآبادیاتی ءُ ورنا کاروباری مردم ایشی ءَ را نوکیں چاگرد دوستیں ٹیکنالوجی ءُ گیواری ءِ واستہ کارمرد بہ کن اَنت۔ گڈسرا ڈاکٹر مصدق ملک ءَ سرجمیں بھر زوروکیں ملک آناں زور پر دات کہ آ گلیشیر آنی رکھینگ، یکجائی قدرتی وسیلگ آناں پائیدار کارمردی ءُ آیوکیں نسل آنی واستہ ایمنیں آیوکیں وھد ءِ واستہ وت مہ وتی کمک ءَ را گیش مھکم بہ کن اَنت۔ آئی ءَ گوشت کہ موسمی مٹ ءُ بدلی ءِ جھان ءِ چیلنج ءَ را گر ءُ دار ءِ واستہ اجتماعی ذمہ واری، یکجائی عمل درآمد ءُ میاں اوستمانی کمک المی اِنت۔ اے گامگیج دمگ ءَ را یک ایمنیں، پائیدار ءُ وشھالیں آیوکیں وھد ءِ نیمگ ءَ برگ ءَ انت۔