نیشنل پارٹی ءِ صدر ءَ پارلیمانی ڈل ءِ ہمراہی ءَ نائب مزن وزیر ءَ گوں گند ءُ نند کتگ ، بلوچستان ءِ دیم ءَ اوشتاتگیں چیلنج ءُ اے دگہ بنگپانی سرا گپ ءُ تران

اسلام آباد۔19جولائی  (اے پی پی): نیشنل پارٹی ءِ صدر ڈاکٹر عبدالمالک بلوچ ءَ پارلیمانی ڈل ءِ گوما نائب مزن وزیر ءُ دری کارانی وزیر سینیٹر محمد اسحاق ڈار ءَ گوں گند ءُ نند کت، ایشی ءِ تہ ءَ بلوچستان ءِ دیم ءَ اوشتاتگیں چیلنج ءُ اے دگہ جیڑھانی سر ءَ گپ ءُ تران کت۔ گند ءُ نند ءَ وفاقی وزیر بین صوبائی رابطہ رانا ثنا اللہ خان ءُ مزن وزیر ءِ ھاسیں کمکار طارق باجوہ ءَ ھم بہر زرتگ۔ یک شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ محمد اسحاق دار ءَ وتی جزم ءِ یک رندے پدا گوشت کہ وفاقی حکومت صوبگ ءِ اُلس ءِ دیم ءَ اوشتاتگیں چیلنج آناں گیواری ءُ آئین ءِ دائرہ کار ءِ تہ ءَ اقتصادی وشھالی ءُ دیمروئی ءِ جائزیں واھشت آناں پیلو کنگ ءِ واستہ جزم اِنت۔ ڈاکٹر عبدالمالک بلوچ ءَ محمد اسحاق ڈار ءِ منت گپت ءُ گوشت کہ نیشنل پارٹی صوبہ ءِ مہلوک ءِ گہتری ءُ گہبودی ءِ واستہ ہرکس ءِ گوما کار کنگ ءَ تیار انت۔ آئی ءَ اے گپ ءِ سر ءَ ھم زور دات کہ  ناشرکار آناں   بلوچستان ءِ الس آنی گوما   ھچ وڑیں کمک نیست ءُ ایشی ءِ ھچ وڑیں توجیل نیست۔