وفاقی جان سلامتی ءِ وزیر ءَ چینی کمپنی ءِ سروک ءَ گوں گند ءُ نند کتگ ءُ ہیپاٹائٹس ڈیلٹا وائرس ءِ نادراہانی درمان کنگ ءِ پیشرفت ءِ سرا چار ءُ تپاسی

اسلام آباد۔19جولائی  (اے پی پی): وفاقی وزیر جان سلامتی مصطفیٰ کمال ءَ چینی نامداریں کمپنی ہواوے ہیلتھ ءِ سی ای او ءَ گوں گند ءُ نند کتگ، ایشی ءِ تہ ءَ ہیپاٹائٹس ڈیلٹا وائرس ءِ نادراہ آنی علاج ءِ تہ ءَ برجاھیں پیشرفت ءِ سر ءَ چار ءُ تپاسی کنگ بوتگ۔ گند ءُ نند ءَ وفاقی سیکرٹری جان سلامتی اسلم غوری، چیف ایگزیکٹو آفیسر ڈی آر اے پی ڈاکٹر عبید ممتاز، نامداریں ہیماتولوجسٹ پروفیسر ڈاکٹر سعید ایس حامد ءُ کلینیکل ریسرچ ایکسپرٹ سید منور علی ھم ھوار اتنت۔ وزارت جان سلامتی ءِ نیمگ ءَ چہ جاڑی بوتگیں بیان ءِ رد ءَ اے موہ ءِ سر ءَ ہپاتائٹس ڈیلٹا وائرس ءِ نادراہ آنی علاج ءِ تہ ءَ جاری پیشرفت ءِ سر ءَ چار ءُ تپاسی کنگ بوتگ۔ مصطفیٰ کمال ءَ گوشت کہ ہیپاٹائٹس ڈیلٹا وائرس ءِ علاج ءِ ھوالگ ءَ (بی ٹو بی) معاہدہ ءِ سر ءَ سوبمندیں رنگ ءَ دستخط کنگ بوتگ، اے پاکستان ءَ نوکیں ءُ بنجاہی علاج ءِ دستیابی ءِ نیمگ ءَ یک ھاسیں سنگ ءِ انت۔ آئی ءَ گوشت کہ پاکستان ءُ چین ءِ نیام ءَ اے راجدپتری کمک ہیپاٹائٹس ڈیلٹا ءِ نادراہ آناں نوکیں علاج ءِ پھجاری ءِ نیمگ ءَ مزنیں گامگیج اِنت۔ وفاقی وزیر ءَ گوشت کہ پاکستان ءِ تہ ءَ یک ملین ءِ کساس ءَ مردم ھیپاٹائٹس ڈیلٹا ءَ چہ آماچ بوت کن اَنت۔ اے گامگیج ءَ چہ ہیپاٹائٹس ڈیلٹا ءِ نادراہ آناں نوکیں ءُ موثر علاج ءِ رسائی رس ایت ءُ پاکستان ءِ دوائی آنی شوبگ ءَ صلاحیت سازی ءُ میاں اوستمانی کمک ءَ را ھم دیمروئی دنت۔ آئی ءَ گوشت کہ ڈراپ اولیت ءِ بنیاد ءَ توامیں کانودی ءُ ریگولیٹری لوٹ آناں دل یکیمی کنگ ءَ انت تانکہ اے درمان زوت چہ زوت پاکستانی نادراھ آنی دست ءَ بہ بیت۔ آئی ءَ گوشت کہ ھیپاٹائٹس ڈیلٹا وائرس ءِ درمان ءِ دومی بھر ءِ کلینیکل اسٹڈی ءَ ایشی ءِ ایمنی ءُ کارکردگی ءِ جوانیں آسراتی پدر بوتگ اَنت۔