پاکستان ءِ ھوار بوھگ ءِ روچ کشمیری راج ءِ آجوئی ءُ وت واجھی ءِ حق ءِ جزم ءِ نوک کنگ ءِ روچ اِنت، محمد حنیف عباسی

اسلام آباد۔19جولائی  (اے پی پی): ریلوے ءِ وفاقی وزیر محمد حنیف عباسی ءَ گوشت کہ پاکستان ءَ ھوار بوھگ ءِ روچ کشمیری راج ءِ آجوئی ءُ وت واجئی ءِ ھک ءِ جزم ءِ نوک کنگ ءِ روچ اِنت۔ وزارت ریلوے ءِ نیمگ ءَ یک شمبے ءِ روچ ءَ پاکستان ءِ ھوار بوھگ ءِ روچ (19جولائی 2026) ءِ موہ ءَ جاڑی بوتگیں کلوہ ءِ تہ ءَ محمد حنیف عباسی ءَ گوشت کہ پاکستان ءِ ھر شہری کشمیری برات ءُ گہار آنی گوما شانہ پہ شانہ ءَ اوشتاتگ، کشمیری راج ءِ آجوئی ءِ جہد کشمیری راج ءِ نیمگ ءَ چہ ھلاس کنگ نہ بیت۔ ریلوے ءِ وزیر ءَ گوشت کہ اقوام متحدہ ءِ قرارداد آنی رد ءَ جموں کشمیر ءِ جیڈھ ءِ انصاف ءِ گیواری خطہ ءَ دائمی امن ءِ ضمانت انت۔ آئی ءَ لوٹ کتگ کہ مقبوضہ جموں ءُ کشمیر ءَ انسانی ھکانی لگتمالی ءِ بابت ءَ میاں اوستمانی براتی ءَ را زوت نوٹس بہ زوریت۔ اے میاں اوستمانی براتی ءِ یکجائی ذمہ واری انت کہ کشمیری راج ءَ را وت واجہی ءِ ناگزیریں حق ءَ را پجارینگ بہ بیت۔ پاکستان ھمک پڑ ءَ کشمیری الس ءِ سفارتی، سیاسی ءُ اخلاقی کمک ءَ برجاہ دار ایت۔ ریلوے ءِ وزیر ءَ گوشت کہ کشمیری الس ءِ قربانی بے سوب نہ رو انت ءُ پاکستان ایشانی جائزیں جہد ءِ گوما اوشتات کنت۔ آئی ءَ گوشت کہ پاکستان ءَ ھوار بوھگ ءِ روچ مارا کشمیری برات آنی گوما یکوئی ءِ تہ ءَ وتی جزم ءَ را مھکم کنگ ءِ کلوہ دینت۔