مزن وزیر ءِ سروکی ءَ پاکستان ریلوے اصلاحات، نوآبادیاتی ءُ جوانیں سروسز ءِ پجاری ءِ علامت ءِ رنگ ءَ ابھر بوھگ ءَ اِنت، محمد حنیف عباسی

اسلام آباد۔19جولائی  (اے پی پی): ریلوے ءِ وفاقی وزیر محمد حنیف عباسی ءَ گوشت کہ پاکستان ریلوے اصلاحات ءِ علامت جوڑ بوھگ ءَ انت، مزن وزیر محمد شہباز شریف ءِ سروکی ءَ جدید کنگ ءُ سرکاری ھزمت ءِ نوکیں باب پیداک بوھگ ءَ انت۔ وزارت ریلوے ءِ نیمگ ءَ جاڑی بوتگیں بیان ءِ تہ ءَ وفاقی وزیر ءَ گوشت کہ مزن وزیر محمد شہباز شریف ءِ وژنری سروکی ءَ پاک ریلوے اصلاحات، نوکیں چیز ءُ گہتریں سروس ڈیلیوری ءِ علامت ءِ رنگ ءَ سہرا بوھگ ءَ انت۔ مزن وزیر ءِ کارکردگی، شفافیت ءُ السی گہبود ءِ ھاتر ءَ بے دروریں جزم ءَ نوکیں لائن آنی سر ءَ ریلوے ءِ دیمروئی ءِ راہ پچ کتگ تانکہ ہر پاکستانی ایشی ءَ چہ سیت چست بہ کنت۔ سر وزیر پنجاب ءِ مھکمیں کمک ءِ سر ءَ منت واری ءِ درشان کنان ءَ محمد حنیف عباسی ءَ گوشت کہ آئی ءِ ’’ستھرا پنجاب‘‘ مہم ءِ چیر دستی ءَ سرجمیں صوبگ ءَ ریلوے اسٹیشن آنی سر ءَ ساپ ءُ پلگار ءِ نوکیں معیار جوڑ کنگ بوھگ ءَ انت ءُ مسافر آناں جوانیں آسراتی پجاری کنگ بوھگ ءَ انت۔ بنجاہی وزیر ءِ کمک ءَ پنجاب ءِ 8 مصروف ترین ریلوے راہداری جدید ملٹیپل یونٹ آنی وسیلگ ءَ بحال کنگ بوھگ ءَ انت۔ ریلوے ءِ وزیر ءَ گوشت کہ 117 ریلوے گیٹ آنی سر ءَ کارندہ آناں ایر کنگ ءَ چہ نہ ایوک ءَ آپریشنل کارکردگی ءَ را گہتری بوتگ بلکینگ ءَ مسافر آنی آسراتی ءَ را گیشی بوتگ ءُ گران بھائیں جان آنی رکھینگ ھم ممکن بوتگ۔ آئی ءَ گوشت کہ ٹیکسلا، راولپنڈی، بھیرا ءُ لاہور ءِ راجدپتری ریلوے اسٹیشن آنی بحالی ءُ رکھینگ ءِ واستہ سر وزیر پنجاب ءِ جزم ھم ستا کرز انت۔ وفاقی وزیر ءَ گوشت کہ اے گامگیج ءِ مول ءُ مراد پاکستان ءِ زرباری ریلوے میراث ءَ را رکھینگ ءُ نوکیں ءُ ڈیجیٹل آیوکیں باندات ءَ گوں ھمگرنچ کنگ انت۔ محمد حنیف عباسی ءَ گوشت کہ ما یکجاہ ءَ پاکستان ریلوے ءِ نوک کنگ ءِ واستہ کوشست ءَ برجاہ دار ایں، راجی رابطہ ءَ را مھکم کن ایں، اقتصادی دیمروئی ءِ کمک ءَ کن ایں، ءُ ہر پاکستانی ءَ را ایمن، کارآمد، ارزان ءُ باوقاریں ریل ءِ سفر ءِ آسراتی ءِ پھجارینگ ءِ واستہ کوشست ءَ برجاہ دار ایں ۔