بلوچستان ءِ سر وزیر میر سرفراز بگٹی ءِ مفاہمت ءِ کوشست سوبمند بوتگ انت، بلوچستان سرکار ءُ دھرنا کمیٹی ءِ نیام ءَ نبشتہ ءِ سرا منوگری بوتگ

اسلام آباد۔18جولائی  (اے پی پی): بلوچستان ءِ سر وزیر میر سرفراز بگٹی ءِ مفاہمت ءِ کوشست سوبین بوتگ انت، بلوچستان سرکار ءُ دھرنا کمیٹی ءِ نیام ءَ گپ ءُ تران سوبین بوتگ انت ءُ نبشتہ ءِ سرا تپاک کنگ بوتگ۔ جرگہ ءَ گوں گشتانک دیان ءَ سرکاری کمیٹی ءِ سروک جان سلامتی ءِ وزیر بخت کاکر ءَ گوشت کہ بلوچستان حکومت ءُ دھرنا کمیٹی ءِ نیام ءَ سوبمندیں گپ ءُ تران ءَ چہ امن ءُ ایمنی ءُ وت مہ وتی دل یکیمی ءِ واستہ نوکیں راہ پچ بوتگ انت۔ آئی ءَ گوشت کہ بلوچستان ءِ سر وزیر میر سرفراز بگٹی ءِ دانائیں رھشونی ءُ ملااحی حکمت عملی ءَ گوں زیارت ءِ شہید آنی کھول آنی گوما شرپداریں نبشتھی تپاک کنگ بوتگ۔ نبشتھی تپاک نامہ حکومت ءِ راجمانی اعتماد، قانون ءِ حاکمیت ءُ شہید آنی کھول آنی گوما داتگیں وعدہ آنی پیلو کنگ ءِ ھاترا یک ھاسیں گامگیج اِنت۔ بخت محمد کاکر ءَ گیش گوشت کہ حکومت راجمان ءِ پالیشی ءِ رد ءَ شھید آنی کھول آنی ھمک جائزیں لوٹ آنی پیلو کنگ ءَ دل یکیمی کنت، کس تہنا نہ بیت۔ آئی ءَ گوشت کہ جوڈیشل کمیشن ءِ جوڑ کنگ، امن ءُ ایمنی ءِ ھوالگ ءَ شور ءُ سلاھ ءُ پولیس ءِ گنجائش آنی تہ ءَ گیشی حکومت ءِ ٹھوس ءُ سنگینیں گامگیج آنی بھر اَنت۔ بخت محمد کاکر ءَ گوشت کہ شھید آنی کُربانی سرجمیں راج ءِ دارالحکومت انت، آھانی عزت ءُ شرپ، کمک ءُ کھول آنی گہبودی بلوچستان سرکار ءِ مستریں ذمہ واری انت۔ آئی ءَ گوشت کہ ما پاک اُرد، ایف سی، پولیس، لیویز ءُ کانود نافذ کنوکیں ایندگر ادارگ آنی ابدمانیں قربانی آناں سلام پیش کن ایں، ھمے قربانی آنی برکت ءَ امن ءِ واستہ جنز برجاہ اِنت۔