چیئرپرسن بے نظیر انکم سپورٹ پروگرام ءِ سینیٹر روبینا خالد ءَ ہری پور ءَ بی آئی ایس پی ءِ کارگس ءِ تر ءُ تاب

ہری پور۔ 18 جولائی (اے پی پی):‏ چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ ہری پور ءَ بی آئی ایس پی ءِ کارگس ءِ تر ءُ تاب کتگ۔ آئی ءَ اودا ھستیں زالبولیں فائدہ منداں گوں گند ءُ نند کتگ ءُ آھانی جیڈھ گوش داشتگ ءُ کارندہ آناں ہدایت کتگ کہ آ وتی جیڈھ آناں زوت گیش ءُ گیوار بہ کن اَنت۔ سینیٹر روبینہ خالد ءَ زالبولیں فائدہ مند آناں نوکیں ڈیجیٹل پرس ءِ نظام، مفت سم ءِ گرگ، پرس ءِ چالو کنگ ءُ نوکیں ادائیگی ءِ طریقہ کار ءِ بابت ءَ سرپد کتگ۔ آئی ءَ زالبولیں فائدہ مند آناں گوشت کہ نوکیں ڈیجیٹل پرس ءِ نظام ءِ چیر دستی ءَ مستحقیں زالبول آنی کمک ءِ زرّ آوانی ذاتی اکاؤنٹ آنی تہ ءَ دیم پہ دیم کنگ بنت کہ ایشی ءَ را ایس ایم ایس ءِ وسیلگ ءَ سرپدی دیگ بیت۔ رقم ڈیجیٹل پرس ءِ تہا محفوظ رہیت ءُ ہر وھد ءَ نزیکیں مجاز خوردہ فروش ءَ چہ جم کنگ بوت کنت۔ برقم ءِ کشگ ءِ سر ءَ ایس ایم ایس ھم رس ایت کہ زانگ بہ بیت کہ کجام کساس ءَ زرّ کشگ بوتگ۔ بے نظیر ءِ مفت سم ءَ ایوک ءَ چہ بی آئی ایس پی ءِ مجازیں کارگساں بہ زور اِت ءُ سم ءِ گرگ ءِ ھاترا وتی اصل شناختی کارڈ ءُ وتی موبائل فون ءَ بہ زور اِت۔ پیسہ ءِ جم کنگ ءِ وھد ءَ وتی موبائل فون ءَ ھچ ایجنٹ یا خوردہ فروش ءِ دست ءَ مہ دئے اِت۔ نوکیں انٹرآپریبلٹی سسٹم ءِ چیر دستی ءَ زالبول وتی امدادی زرّاں چہ سرجمیں پاکستان ءِ کجام ھم شہر ءَ چہ کجام ھم مجازیں پارٹنر بینک ءِ خوردہ فروش ءَ چہ کجام ھم وھد ءَ آسانی ءُ ایمنیں رنگ ءَ جم کنگ ءِ وس ءَ دار اَنت۔ اے موہ ءِ سر ءَ ایم پی اے مہر سلطانہ ایڈووکیٹ ءُ ایندگر زالبولیں سروک ھم ساڑی بوتگ اَنت۔