اسلام آباد۔18جولائی (اے پی پی): سیکورٹی فورسز ءَ انٹیلی جنس ءِ بنیات ءَ کارروائی ءِ وسیلگ ءَ وانا ءُ آئی ءِ کش ءُ گور ءِ شہری آبادی ءَ را مزنیں آفت ءَ چہ رکینتگ۔ سیکورٹی فورسز ءَ وت کُشیں اُرش ءَ پیسر وزیرستان ءِ نزیکیں دمگ وانا (غواکھا) ءَ تراکناکیں چیزاں گوں باریں گاڑی ءِ تباہ کتگ۔ سیکورٹی وسیلگ ءِ رد ءَ گاڑی ءِ تہ ءَ ھواریں تراکناکیں چیز ممکنہ …
وانا ءَ سیکورٹی فورسز ءِ وھد ءِ سر ءَ کارروائی ، ناشرکاری ءِ مزنیں کوشست بے سوب بوت
گیشتریں ھال
اسلام آباد۔18جولائی (اے پی پی): سیکورٹی فورسز ءَ انٹیلی جنس ءِ بنیات ءَ کارروائی ءِ وسیلگ ءَ وانا ءُ آئی ءِ کش ءُ گور ءِ شہری آبادی ءَ را مزنیں آفت ءَ چہ رکینتگ۔ سیکورٹی فورسز ءَ وت کُشیں اُرش ءَ پیسر وزیرستان ءِ نزیکیں دمگ وانا (غواکھا) ءَ تراکناکیں چیزاں گوں باریں گاڑی ءِ تباہ کتگ۔ سیکورٹی وسیلگ ءِ رد ءَ گاڑی ءِ تہ ءَ ھواریں تراکناکیں چیز ممکنہ مزنیں ناشرکاری اُرش ءِ تہ ءَ کارمرد کنگ بوتگ اَنت۔ آپریشن ءِ وھد ءَ سیکورٹی فورسز ءَ بے گناہیں شہری آنی ایمنی ءَ را گوں مزنیں پیشہ وارانہ لیکہ ءَ دل یکیمی کتگ۔ سیکورٹی فورسز ءَ وت کُشیں اُرش ءِ واستہ تیار کتگیں گاڑی ءِ سر ءَ سئے روچ ءَ پد نگرانی کتگ ءُ ھما وھد ءَ نشانگ جوڑ کتگ کہ آ چہ آبادی ءَ دور بوتگ۔ سیکورٹی وسیلگ ءِ رد ءَ سیکورٹی فورسز ءِ سوبمندیں آپریشن ءِ تہ ءَ یک گاڑی ءُ یک موٹر سائیکلے کہ چہ تراکناکیں چیزاں بار بوتگ اَنت تباہ کنگ بوتگ اَنت ءُ یک درملکی مردمے بیران ءُ 5 ناشرکار ٹپیگ بوتگ اَنت۔ ناشرکاری ءِ ھلاپ ءَ اے سوبمندیں آپریشن اے گپ ءِ پدریں ثبوت اِنت کہ سیکورٹی فورسز امن ءِ ھلاپ ءَ دژمنیں عناصر ءِ ھلاپ ءَ یک سیسہ ءِ دیوال اَنت۔
