آئی ایس پی آر ءَ سرجمیں پاکستان ءِ نودربر آنی واستہ سمر کیمپ 2026 ءِ بندوبست

اسلام آباد۔18جولائی  (اے پی پی):آئی ایس پی آر سمر کیمپ 2026 ءِ تہ ءَ سرجمیں پاکستان ءِ 18 ءَ چہ گیش اسٹیشن آنی 4000 ءَ چہ گیش نودربراں بھر زرتگ۔پیشگیں سینیٹر ءُ تجزیہ کار جاوید جبار ءَ آئی ایس پی آر سمر کیمپ 2026 ءِ بھر زوروک آنی گوما ھاسیں دیوان برجم داشتگ۔ پیسریگیں سینیٹر ءُ زانتکار جاوید جبار ءَ دیوان ءَ گوں تران کنان ءَ گوشت کہ پاکستان ءِ جوڑ کنگ دگنیا ءِ راجدپتر ءِ تہ ءَ یک بے دروریں واقعہ ات کہ قائداعظم ءِ وژن، مھکمی ءُ سیاسی حکمت عملی ءِ سبب ءَ اے ممکن بوتگ۔ کمیں وسیلگ آنی باوجود پاکستان ءِ سربلندیں راج ءَ جزم ءُ قربانی ءِ گوما یک مھکمیں ریاست ءِ بُن ھشت ایر کت۔ پیسریگیں سینیٹر جاوید جبار ءَ گوشت کہ پاکستان ءِ دود ءُ ربیدگی ءُ راجدپتری پجار نہ ایوک ءَ سندھ وادی ءَ تاں بلکینگ ءَ مہر گڑھ ءِ وڑیں ھزاراں سال کوھنیں تہذیب آنی تہ ءَ ھوار اِنت۔ پاکستانی راج وتی زانت، شفقت، مہمانداری، برداشت ءُ بے دروریں راجی پجار ءِ سبب ءَ دنیا ءِ تہا یک مزنیں جاہے ءِ واھند اِنت۔ کشمیر ءِ جیڈھ ءِ بابت ءَ گپ ءُ تران کنان ءَ پیسریگیں سینیٹر جاوید جبار ءَ گوشت کہ پاکستان ءَ مدام کشمیری راج ءِ وت واجئی ءِ ھک ءِ اصولی ءُ مھکمیں رنگ ءَ کمک کتگ۔ پاک فوج ءِ افسر سپاھیگ ءِ ھمراہی ءَ دیم ءِ لیکہانی سر ءَ جنگ کن اَنت ءُ دگنیا ءِ فوجانی تہ ءَ افسرانی شھیدی ءِ کچ گیشتر اِنت ۔ آئی ایس پی آر سی اے سمر کیمپ ورنا آنی تہ ءَ راجی شعور، جوانیں قدر ءُ صلاحیت آناں گہتر کنگ ءِ واستہ سک باز ھاسیں دیمروئی اِنت۔