چین ءِ سرمایہ کار مصطفی کمال ءِ کمک ءَ پاکستان ءِ جان سلامتی ءِ پڑ ءَ انقلابی بدلی آرگ بوت کنت

اسلام آباد۔18جولائی  (اے پی پی):راجی جان سلامتی ءِ وفاقی وزیر مصطفیٰ کمال ءَ گوشت کہ چین ءِ سرمایہ کار آنی کمک ءَ پاکستان ءِ جان سلامتی ءِ شوبگ ءَ انقلابی بدلی آرگ بوت کنت۔ حکومت ءَ سرمایہ کار آنی دیم ءَ اوشتاتگیں رکاوٹ آناں دور کنگ ءَ سرمایہ کاری ءِ عمل ءَ را آسان ءُ شفاف کتگ۔ آئی ءَ اے ھیالانی درشانی شمبے ءِ روچ ءَ پاک چین فارماسیوٹیکل اینڈ ہیلتھ کیئر بی ٹو بی سرمایہ کاری کانفرنس ءَ گوں تران کنان ءَ کت۔ وفاقی وزیر ءَ چینی سرمایہ کار آناں زور پر دات کہ آ پاکستان ءَ استیں مزنیں سرمایہ کاری ءِ موہ آں چہ سرجمی ءَ پائدگ چست بہ کن اَنت۔ آئی ءَ گوشت کہ حکومت سرمایہ کار آناں ھمک رنگ ءِ آسراتی پجاری ءِ واستہ جزمیگ انت تانکہ یکجائی منصوبگ آنی وسیلگ ءَ جان سلامتی ءِ شوبگ ءَ را نوکیں لیکہ آنی سر ءَ دیمروئی دیگ بہ بیت۔ مصطفیٰ کمال ءَ گوشت کہ پاکستان ءَ میڈیکل ڈیوائسز ءِ لوکل مینوفیکچرنگ ءِ عمل ءَ گوں ترندی ءَ دیمروئی کنگ ءَ انت ایشی ءَ چہ نہ ایوک ءَ درآمد ءِ انحصار کم بیت بلکینگ ءَ برآمد ءُ روزگار ءِ واستہ نوکیں موہ پیداک بنت۔ آئی ءَ گیش گوشت کہ نوکیں کاروبار آنی رجسٹریشن، لائسنسنگ ءُ ایندگر سرکاری کار آناں آسان کنگ بوتگ تانکہ سرمایہ کار وتی کاروبار ءِ بندات ءُ گیشی ءِ واستہ بے وسی ءِ آماچ مہ بنت۔ وفاقی جان سلامتی ءِ وزیر ءَ اے گپ ءِ سر ءَ زور پر دات کہ پاکستان سرمایہ کاری ءِ واستہ جوانیں ءُ دلکشیں چاگرد ءِ پجاری کنگ ءَ اِنت، اودا حکومتی کمک، اقتصادی اصلاحات ءُ دو نیمگی شریکداری ءِ وسیلگ ءَ سرمایہ کار آنی واستہ وشیں آسراتی است اَنت۔