پاکستان ءُ مصر ءِ سیادی یکجائی ءِ قدر ءُ قیمت، یکے دومی ءِ شرپ، ءُ دیریں دوستی ءِ سرا بندوک انت۔ دوئیں ملکاں روایتی تجارت ءَ چہ درکپگی اِنت ءُ یک اسٹریٹجک اقتصادی شراکت داری ءِ جوڑ کنگ لوٹیت، وفاقی وزیر تجارت

اسلام آباد۔17جولائی  (اے پی پی): برائے وفاقی وزیر تجارت جام کمال خان ءَ گوشت کہ پاکستان مصر ءِ گوما وتی راجدپتری ءُ براتی سیادی آناں ھاسیں ارزشت ءَ دنت۔ پاکستان ءُ مصر ءِ سیادی یکجائی ءِ قدر ءُ قیمت، یکے دومی ءِ شرپ، ءُ دیریں دوستی ءِ سرا بندوک انت۔ پاکستان ءُ مصر ءَ را روایتی تجارت ءَ چہ دیم ءَ روگ ءُ اسٹریٹجک اقتصادی شراکت داری ءِ جوڑ کنگ لوٹ ایت۔ اے ھیالانی درشانی وفاقی وزیر جام کمال خان ءَ عرب جمہوریہ مصر ءِ راجی روچ ءِ درگت ءَ برجم داشتگیں مراگش ءِ ساھت ءَ کتگ اَنت۔ وفاقی وزیر ءَ ھاسیں مہمان ءِ بستار ءَ مراگش ءَ بھر زرتگ ات، وھدیکہ جتا جتائیں ملک آنی سفیر، ہائی کمشنر، سرکاری مزنیں کارندہ، ءُ سفارتی براتی ءِ نمائندگ ھم مراگش ءَ بھر زرتگ ات۔ وزارت تجارت ءِ نیمگ ءَ چہ جاڑی بوتگیں پریس ریلیز ءِ رد ءَ مراگش ءَ گوں تران کنان ءَ وفاقی وزیر تجارت جام کمال خان ءَ مصر ءِ حکومت ءُ الس ءَ را راجی روچ ءِ مبارک بات داتگ ءُ گوشت کہ پاکستان مصر ءِ گوما وتی راجدپتری ءُ براتی سیادی آناں ھاسیں ارزشت دنت ءُ پاکستان ءُ مصر ءِ سیادی ءِ بنیات ءِ سر ءَ یک دومی ءِ قدر ءُ قیمت ءِ سرا انت۔ وزیر تجارت ءَ گوشت کہ پاکستان ءُ مصر ءَ را روایتی تجارت ءَ چہ دیم ءَ بہ رو اَنت ءُ یک اسٹریٹجک اقتصادی شریک داری ءِ جوڑ کنگی اِنت۔ جام کمال خان ءَ گیش گوشت کہ دوئیں ملک یکجائی سرمایہ کاری، پیداوار ءُ ٹیکنالوجی ءِ کمک ءَ را گیش کنگ ءَ انت، ءُ پاکستان ءُ مصر یکجائی ویلیو چین ءِ وسیلگ ءَ روزگار، صنعتی گنجائش ءُ برآمدات ءَ را گیش کنگ ءَ انت۔ آئی ءَ گوشت کہ مصر افریقی، عرب ءُ بحیرہ روم ءِ مارکیٹ آنی واستہ ھاسیں پیداوار ءُ بہر ءُ بانگ ءِ مرکز اِنت۔ وزیر تجارت ءَ گوشت کہ پاکستان جنوبی ایشیا ءَ گوں ہمگرنچیں مزنیں پیداوار ءُ سرمایہ کاری مارکیٹ ءِ پجاری کنت۔ آئی ءَ گوشت کہ پاکستان ءِ توانائی، رئیل اسٹیٹ، مالیاتی ءُ ٹیلی کمیونیکیشن ءِ شوبگ آنی تہ ءَ مصری کمپنی آنی سرمایہ کاری ءَ را وش اتک کنگ بیت۔ جام کمال خان ءَ گوشت کہ پاکستانی کمپنی مصر ءَ ھم نوکیں کاروباری ءُ سرمایہ کاری ءِ موہ آنی پٹ ءُ پول ءَ انت۔ آئی ءَ گوشت کہ پاکستان مصر ءَ را خام مال، تیاریں مصنوعات، صنعتی سامان ءُ انٹرمیڈیٹ سامان پجاری کت کنت، مصر توانائی، معدنیات، کشت ءُ کشاری مصنوعات، کیمیکلز، کھاد ءُ طبی سامان آنی شوبگ آنی تہ ءَ ھاسیں شریک جوڑ بوت کنت۔ آئی ءَ گوشت کہ دو نیمگی کمک ءَ چہ سیمی ملک ءُ نوکیں دمگی مارکیٹ آنی تہ ءَ رسائی ءِ موہ پیداک بنت۔ وفاقی وزیر ءَ گوشت کہ پاکستان ءِ جان سلامتی ءِ شوبگ ءَ مصر ءِ کمک ارزشتی اِنت۔ جام کمال خان ءَ گوشت کہ غزہ ءَ پاکستانی انسانی کمک ءِ سر کنگ ءَ مصر ءِ کمک ستا کرز ایت، پاکستان دمگی امن ءُ ایمنی ءِ واستہ مصر ءِ جوڑیشت ءِ کرد ءَ را ساڑائیت۔ آئی ءَ گوشت کہ پاکستان ءُ مصر ءِ نیام ءَ دفاعی ءُ تربیتی کمک ءِ تہ ءَ جوانیں پیشرفت بوھگ ءَ انت۔ فوڈ اینڈ ایگریکلچر پاکستان 2026 ءَ مصر ءِ یک مھکمیں تجارتی ڈل ءِ بھر زوری ءِ ودار ءَ اِنت۔جام کمال خان ءَ گوشت کہ پاکستان فوڈ افریقہ 2026 ءَ بھر زوری کنت کہ 7دسمبر ءَ چہ 10دسمبر ءَ مصر ءَ برجم دارگ بیت۔تجارتی نمائش دوئیں ملک آنی برآمد کنوک، خریدار ءُ سرمایہ کار آناں نزیک کنت۔ وفاقی وزیر ءَ گوشت کہ صدر عبدالفتاح السیسی ءِ پاکستان ءِ تر ءُ تاب ءِ دعوت ءِ منگ ءَ چہ وشیں گپ اِنت ءُ پاکستان صدر عبدالفتاح السیسی ءِ پاکستان ءِ تر ءُ تاب ءِ ودار ءَ اِنت۔ پاکستان مصر ءَ را یک ھاسیں اسٹریٹجک اقتصادی شریک ءُ دمگی پیداوار ءِ مرکز لیک ایت۔ جام کمال خان ءَ گوشت کہ پاکستان ءُ مصر سرمایہ کاری، صنعتی دیمروئی، رابطہ ءُ یکجائی وشھالی ءَ را دیم ءَ برگ ءَ انت۔ پاکستان ءَ مصر ءِ سفیر ڈاکٹر ایہاب محمد عبدالحمید ءَ مہمان آناں وش آتک کنان ءَ گوشت کہ مصر ءُ پاکستان ءِ نیام ءَ گہتریں، دیریں ءُ باز تک ءُ پھنات ءِ دوستی است انت۔ دوئیں ملک آنی نیام ءَ سیادی یکے دومی ءِ شرپ، یکجاھیں ارزشت ءُ برات ءِ سیادی ءِ سر ءَ بندوک اَنت۔ گوستگیں دو سال آنی تہ ءَ پاک ءُ مصر ءِ سیادی آنی تہ ءَ مزنیں پیشرفت بوتگ۔ آئی ءَ گوشت کہ مزن تک ءِ تر ءُ تاب ءَ چہ دوئیں ملک آنی سیادی آناں نوکیں رنگ ءُ دروشم داتگ۔ دوئیں ملک آنی سروکی ءَ دو نیمگی شریکداری ءَ را نوکیں بالاد ءَ سر کنگ ءِ واستہ جزم انت، مزن تک ءِ تبادلہ ءَ کلیدی اسٹریٹجک شوبگ آنی تہ ءَ کمک ءَ را گیش کتگ۔ مصر ءِ سفیر ءَ گوشت کہ مصر پاکستان ءِ گوما وتی اسٹریٹجک شراکت داری ءَ را سک باز ارزشت دنت، جوانیں دو نیمگی رپک ءَ را عملی سوبمندی آنی تہ ءَ بدل کنگ ءِ ضلورت اِنت، مصر ءُ پاکستان ءِ نیام ءَ تجارتی ءُ کاروباری شراکت داری ءَ را گیش مھکم کنگ بیت، دوئیں ملک آنی ادارگ ءُ الس آنی نیام ءَ رابطہ آناں گیش دیمروئی دیگ بیت۔ سفارتکاری ءُ میان استمانی قانون ءِ سرا عمل کنگ ءِ جہد ءَ کنت۔ آئی ءَ گوشت کہ مصر امن، برجائی ءُ جوڑیشت ءِ میاں اوستمانی کمک ءِ واستہ جزم انت، پاکستانی الس ءِ گرمائش، سخاوت ءُ مہمان داری ستا کرز انت، پاکستانی الس ءِ مہمان داری پاک مصر ءِ برجاھیں دوستی ءِ راستیں عکس انت، ءُ پاک مصر ءِ شریکداری ءَ را ھمگرنچیں سال آنی تہ ءَ گیش مھکم کنگ بیت۔