نائب مزن وزیر اسحاق ڈار ءَ چین ءِ دری کارانی وزیر ءَ گوں گند ءُ نند کت، تجارت، سرمایہ کاری، سائنس ءُ ٹیکنالوجی، ڈیجیٹل معیشت، آرٹیفشل انٹیلیجنس ءِ شوبگ آنی تہ ءَ عملی کمک ءُ وت مہ وتی کمک ءَ را گیش دیمروئی دیگ ءِ سر ءَ تپاک

شنگھائی۔ 17جولائی (اے پی پی): شنگھائی ءَ جہانی آرٹیفیشل انٹیلی جنس کمکی گل ءِ جوڑیشت ءِ موہ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ چین ءِ درئی کارانی وزیر وانگ یی ءَ گوں گند ءُ نند کت۔ جمعہ ءِ روچ ءَ دری کارانی کارگس ءِ رد ءَ نائب مزن وزیر ءِ ھمراھی ءَ انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ، آرٹیفشل انٹیلیجنس (اے آئی) ءُ ھاسیں گامگیج آنی ھوالگ ءَ پنجاب ءِ سر وزیر ءِ مشیر علی مصطفی ڈار ، پاکستان ءِ ورچوئل میراس  اتھارٹی  چیئرمین بلال بن ثاقب،   وزارت خارجہ ءِ ایڈیشنل سیکرٹری (ایشیا پیسفک) ڈاکٹر سید اسد علی گیلانی ءُ چین ءَ پاکستان ءِ چارج ڈی افیئرز اعزاز خان  ھم ساڑی بوتگ۔ دوئیں رہشون آں پاکستان ءُ چین ءِ نیام ءَ دو نیمگی سیادی آنی مزنیں کساس ءِ چار ءُ تپاسی کت۔ دو نیمگی شریکداری ءِ برجاھیں مھکم ءُ مھکمیں پیشرفت ءِ سر ءَ دل یکیمی ءِ درشان کنان ءَ آھاں پاکستان ءُ چین ءِ ھر موسم ءِ اسٹریٹجک کوآپریٹو شریکداری ءَ را گیش گہتری ءِ واستہ وتی یکجائی عزم ءِ پدا زور دات۔ دوئیں نیمگ ءَ سی پیک 2.0 ءِ چیر دستی ءَ مزن کوالٹی ءِ دیمروئی ءَ را دیم ءَ برگ ءِ ارزشت ءِ سر ءَ زور پر دات۔ اے موہ ءِ سر ءَ تجارت، سرمایہ کاری، سائنس ءُ ٹیکنالوجی، ڈیجیٹل معیشت ءُ آرٹیفشل انٹیلیجنس ءِ شوبگ آنی تہ ءَ عملی کمک ءُ وت مہ وتی بھر ءُ بانگ ءَ را گیش دیمروئی دیگ ءِ سر ءَ تپاک کنگ بوت۔ گند ءُ نند ءَ دمگ ءُ دگنیا ءِ نوکتریں جاور ھالانی سر ءَ ھم گپ ءُ تران کنگ بوت۔ دوئیں ملک آنی نیمگ ءَ وت مہ وتی مفاد ءِ جیڈھ آنی سر ءَ نزیکیں رابطہ ءُ برجاھیں شور ءُ سلاھ ءِ برجائی ءِ واستہ وتی عزم ءِ پدا پدر کنگ بوت۔ دوئیں رہشون آں کثیر جہتی فورم آنی تہ ءَ کمک ءَ را برجاہ دارگ ءِ واستہ وتی عزم ءِ ھم پدر کت۔ گند ءُ نند ءَ پاکستان ءُ چین ءِ نیام ءَ اسٹریٹجک کمک ءَ را گیش مھکم کنگ ءِ تہ ءَ ھاسیں کرد پیلو کتگ ءُ ھمے رنگ ءَ دوئیں ملک آنی یکجاھیں جزم ءِ ھم پدر کنگ بوتگ کہ آ جدت ءِ سر ءَ بنیات ءِ سر ءَ دیمروئی ، نوکیں ٹیکنالوجی ءُ آرٹیفشل انٹیلیجنس ءِ پڑ ءَ کمک ءَ را گیش کنگ ءَ انت۔