پاکستان ءِ برجائی ءِ واستہ راجی یکوئی، سیاسی استحکام ءُ اقتصادی اصلاحات المی انت،  چیئرمین سینیٹ ءِ مراگش ءَ  را گشتانک

اسلام آباد۔17جولائی  (اے پی پی): چیئرمین  سینیٹ سید  یوسف رضا گیلانی  ءَ کارآمدیں کانود سازی، جمہوری ادارگ آناں مھکم کنگ ءُ راجی جیڈھ آنی گیواری ءِ تہ ءَ پارلیمنٹ ءِ کرد ءَ را پدر کنان ءَ گوشت کہ پاکستان ءِ برجائی دیمروئی ءِ واستہ راجی یکوئی، سیاسی برجائی ءُ اقتصادی اصلاحات المی اَنت۔ اے ھیالانی درشانی آئی ءَ گالا مراگش ءَ گوں تران کنان ءَ کت۔ سیکرٹریٹ ءِ رد ءَ چیئرمین ءُ وفاقی وزیر ھزانگ  ءِ شرپ ءَ جاز ورلڈ  ءِ چیئرمین ظہیر مہدی  ءِ نیمگ ءَ شپ ءِ ورگ ءِ میزبانی کنگ بیت کہ ایشی ءِ تہ ءَ کاروباری، مالیاتی ءُ چاگردی پڑ ءِ نامداریں مردم ھوار بنت۔ شپ ءِ ورگ ءِ وھد ءَ ملک ءِ سیاسی ءُ اقتصادی جاور، سرمایہ کاری ءِ دیمروئی، ڈیٹا اکانومی، کشت ءُ کشار ءِ دیمروئی، ورنا آنی روزگار ءُ راجی دیمروئی ءِ جیڈھ آنی سر ءَ ھیال ءُ لیکہ ءِ درشان کنگ بیت۔ اے موہ ءِ سر ءَ چیئرمین اسٹال ءَ ڈیجیٹل ٹیکنالوجی ءُ نوکیں معیشت ءِ ارزشت ءِ سر ءَ زور پر دیان ءَ گوشت کہ کشت ءُ کشاری شوبگ ءِ دیمروئی ءِ واستہ نوکیں ٹیکنالوجی، آسانیں مالیاتی آسراتی ءُ کشت ءُ کشاری دوستیں پالیسی آناں دیمروئی دیگ المی اِنت ایشی ءَ چہ کشت ءُ کشاری پیداوار ءُ راجی معیشت دوئیں مھکم بنت۔ شریکیں مردماں چیئرمین اسٹال ءِ سروکی ءُ جمہوری ازمت ساڑاتگ ءُ پاکستان ءِ دیمروئی، مھکم ءُ وشھالی ءِ واستہ نیکیں واھگ آنی درشان کتگ۔ مراگش ءَ راجی اسمبلی ءِ باسک اسد عالم نیازی، حبیب گروپ  ءِ  سروک  محمد علی حبیب، حبیب بینک اے جی زیورخ  ءِ  کلسٹر سی ای او محسن نتھانی  ءُ ایندگر نامداریں کاروباری مردم ءُ سرمایہ کار آنی بھر زوری ءَ بوتگ۔