اسلام آباد۔ 19جولائی ( اے پی پی) مقبوضہ کشمیرئَ بھارتی فوج ئِ کاروائی آں شہید بوتگیں مردمانی کساس 47بوتگ۔ جندی ٹیلی ویژن ئَ کشمیر ھال در سروس ئِ ھوالگئَ ھال داتگ کہ مقبوضہ کشمیر ئِ ضلع کلگام ئَ بھارتی فوج ئِ تیرکاریئِ انوگیں وئیل ئِ تہا زالبولئَ ھوار2مردم شہید وھدے کہ 7ٹپیگ بوتگ اَنت۔ مقبوضہ کشمیرئَ برہان وانی ئِ شہید بوھگئَ پد جاور نگیگ اَنت ءُ زارشانیئِ ترسئَ دہمی روچئَ ھم کرفیو اِنت۔ کرفیو ئِ سببئَ مقبوضہ کشمیرئَ وردنءُ وراک، داروءُ درمانئِ سک باز کمی بوتگ۔ بھارتی فورس آں چھاپہ جتگءُ بازیں مردمے دزگیر تگ۔ رپورٹ ئِ تہا گشگ بوتگ کہ3ہزار ئَ چہ گیش نادراھ جاھ ئَ زیر علاج اَنت۔ مقبوضہ کشمیرئَ انٹرنیٹ ءُ دستی گوانکوئِ سروس ھم بند اَنت۔
