لاہور، نیوز اینکر ریحان طارق 14 روچ ءِ جوڈیشل ریمانڈ ءَ جیل ءَ دیم دیگ بوتگ

لاہور۔14جولائی  (اے پی پی): لاہور ءِ بنجاہی عدالتی آمید گس ءَ توہین رسالت ءِ مبینہ کیس ءِ تہا نیوز اینکر ریحان طارق ءِ دزگیر کنگ ءِ پرمان داتگ کہ آئی ءَ را 14 روچ ءِ عدالتی ریمانڈ ءَ جیل ءَ روان دیگ بہ بیت۔ جوڈیشل مجسٹریٹ نعیم واٹو ءَ کیس گوشداشتگ ۔ سئے شمبے ءِ روچ ءَ کیس ءِ گوشدارگ ءِ وھد ءَ ملزم ءِ شش روچی جسمانی ریمانڈ سرجم کنگ ءَ پد آمید گس ءَ پیش کنگ بوتگ۔ آمید گس ءَ ٹپاس کتگ کہ مذہبی معاملہ ءِ سرا مذہبی زانت ءِ ہچ وڑیں گپ ءُ تران کنگ مہ بیت۔ گوشدارگ ءِ وھد ءَ پٹ ءُ پولی افسر ءَ آمید گس ءَ را ھال داتگ کہ گیشیں جسمانی ریمانڈ ءِ ضلورت نہ اِنت، ایشی ءِ سر ءَ آمید گس ءَ ملزم ءَ را جوڈیشل ریمانڈ ءِ سر ءَ جیل ءَ روان دیگ ءِ پرمان داتگ۔