راولپنڈی ءِ کوش ءِ کیس ، فرخ امتیاز کھوکھر ءَ ھوار 3 مجرم آناں عمر قید ، وارثاں 10 لکھ کلدار ءِ ھر جانہ  ءِ دیگ ءِ پرمان

راولپنڈی۔14جولائی  (اے پی پی): نامداریں کوش ءِ کیس ءِ فیصلہ ءِ جار جنگ ءِ وھد ءَ راولپنڈی ءِ بنجاہی آمید گس ءَ فرخ امتیاز کھوکھر ءَ ھوار سئے مجرم آناں عمر قید ءِ سزا داتگ ءُ آھاں بیران بوتگیں مجید ستی ءِ وارثاں  ھرجانہ   ءَ 10 لکھ کلدار دیگ ءِ پرمان داتگ۔ راولپنڈی پولیس ءِ جارکش ءِ رد ءَ دمگی آمید گس ءَ فرخ امتیاز کھوکھر، امیر حمزہ ءُ حیدر علی ءَ را قتل ءُ اے دگہ سیادی داروکیں بندانی رد ءَ عمر قید ءِ سزا داتگ۔ آمید گس ءَ سئیں مجرماں ھم پرمان داتگ کہ آ بیران بوتگیں مردم ءِ وارثاں یک یک ءَ 10 لکھ کلدار بہ دنت۔ ترجمان ءِ رد ءَ اے وئیل ءِ کیس اگست 2022 ءَ صادق آباد پولیس اسٹیشن ءَ درج کنگ بوتگ ات۔پولیس ءَ کیس ءِ پٹ ءُ پول ءِ وھد ءَ مھکمیں شواہد جم کتگ ات کہ ایشی ءِ آسر ءَ عزت مندیں آمید گس ءَ مجرماں موت ءِ سزا داتگ ات۔ راولپنڈی پولیس ءِ جارکش ءَ گوشت کہ سنگینیں کیس آنی تہ ءَ مجرم آناں موت ءِ سر ءَ سر کنگ راستی ءُ انصاف ءِ سوبمندی اِنت ءُ راولپنڈی پولیس ھمے جذبہ ءَ گوں شہری آناں انصاف ءِ پھجارینگ ءِ واستہ وتی ذمہ واری آنی پیلو کنگ ءَ برجاہ دار ایت۔