وزیر داخلہ محسن نقوی ءَ ایف بی آئی ءِ بنجاہی کارگس ءِ تر ءُ تاب کتگ، ڈائریکٹر ءِ گوما ھاسیں جیڑھانی سر ءَ گپ ءُ تران

واشنگٹن۔14جولائی  (اے پی پی): وفاقی وزیر داخلہ محسن نقوی ءَ واشنگٹن ءَ ایف بی آئی ءِ ہیڈ کوارٹر ءِ تر ءُ تاب کتگ ات کہ اودا آئی ءَ ایجنسی ءِ ڈائریکٹر کش پٹیل ءَ گوں گند ءُ نند کتگ ات، ایشی ءِ تہا ھاسیں جیڈھ آنی سر ءَ گپ ءُ تران کنگ بوتگ ات۔ ایکس ءِ ھوالگ ءَ وتی بیان ءَ کش پٹیل ءَ گوشت کہ ایف بی آئی ءِ بنجاھی کارگس ءَ پاکستانی تہی کارانی وزیر ءِ میزبانی کنگ شرف ءِ گپ اِنت، ایف بی آئی دمگ ءَ امریکی مفاد آنی رکھینگ ءِ واستہ آئی ءِ کمک ءَ را دل ءِ جہلانکی ءَ چہ ستا کنت۔ گند ءُ نند ءِ ساھت ءَ ناشرکاری ءِ مالی کمک ءِ گر ءُ دار ءُ ملک ءُ درملک ءَ سائبر پٹ ءُ پول ءَ گوں گر ءُ چیل بوھگ ءِ واستہ وسیلگ ءُ ھاسیں تربیت ءِ پجاری ءِ ھوالگ ءَ ھاسیں گپ ءُ تران کنگ بوت۔ کش پٹیل ءَ گوشت کہ مئے شری داری سک باز المی اِنت، ما آیوکیں وھد ءَ گیش کامیابی آنی ودار ءَ آں۔