اسلام آباد۔12جولائی (اے پی پی): ریلوے ءِ وفاقی وزیر محمد حنیف عباسی ءَ آپریشن شعبان ءَ بہر زوروکیں پاک فوج، ایف سی ءُ بلوچستان پولیس ءَ را مزنیں شگر ءُ منت گپت ءُ گوشت کہ پاک فوج، ایف سی ءُ بلوچستان پولیس ءِ پیشہ وارانہ ءُ دلیری سرجمیں راج ءِ واستہ فخر انت۔ ادا جاڑی بوتگیں بیان ءِ تہ ءَ ریلوے ءِ وزیر ءَ گوشت کہ دلادریں سیکورٹی فورسز ءَ …
پاکستان آرمی، ایف سی ءُ بلوچستان پولیس ءِ پیشہ وارانہ ءُ دلیری سرجمیں راج ءِ ھاترا فخر ءِ وسیلہ انت، محمد حنیف عباسی
اسلام آباد۔12جولائی (اے پی پی): ریلوے ءِ وفاقی وزیر محمد حنیف عباسی ءَ آپریشن شعبان ءَ بہر زوروکیں پاک فوج، ایف سی ءُ بلوچستان پولیس ءَ را مزنیں شگر ءُ منت گپت ءُ گوشت کہ پاک فوج، ایف سی ءُ بلوچستان پولیس ءِ پیشہ وارانہ ءُ دلیری سرجمیں راج ءِ واستہ فخر انت۔ ادا جاڑی بوتگیں بیان ءِ تہ ءَ ریلوے ءِ وزیر ءَ گوشت کہ دلادریں سیکورٹی فورسز ءَ خوارج آنی ھلاپ ءَ موثریں آپریشن ءِ وسیلگ ءَ دژمن ءَ را مزنیں تاوان داتگ، سیکورٹی فورسز ءِ حوصلہ برز انت، سرجمیں راج وتی رکھانی گوما اوشتاتگ۔ ریلوے ءِ وزیر ءَ گوشت کہ خوارج ءِ حلاف ءَ سوبمندیں آپریشن سیکورٹی فورسز ءِ بے دروریں جزم ءِ ثبوت انت، سیکورٹی فورسز ناشرکاریں عناصر آنی ھلاسی ءَ تاں سرجمیں طاقت ءُ جزم ءَ گوں آپریشن ءَ را برجاہ دار ایت۔ ریلوے ءِ وزیر ءَ گوشت کہ مئے بہادریں قوت آنی قربانی ءُ سوبمندی ناشرکاری ءِ ھلاپ ءَ جنگ ءَ فیصلہ کنوک ثابت بنت، ناشرکاری ءِ آفت ءِ سرجمی ءَ ھلاسی ءَ تاں سرجمیں راج وتی سیکورٹی فورسز ءِ گوما یکجائی ءَ اوشتاتگ۔
