پاکستان، ترکی، بنگلہ دیش، برازیل، کولمبیا، انڈونیشیا، اردن، لیبیا، مالدیپ ءُ اسپین ءَ گلوبل صمود  فلوٹیلا  ءِ سر ءَ اسرائیل ءِ اُرش ءِ مذمت

اسلام آباد۔19مئی  (اے پی پی): پاکستان، ترکی، بنگلہ دیش، برازیل، کولمبیا، انڈونیشیا، اردن، لیبیا، مالدیپ ءُ اسپین ءِ درئی کارانی وزیراں گلوبل صمود  فلوٹیلا ءِ سر ءَ اسرائیل ءِ گوستگیں اُرش آنی سر ءَ سک باز مذمت کتگ۔ سئے شمبے ءِ روچ ءَ دری کارانی کارگس ءِ رد ءَ درئی کارانی وزیر آناں وتی یکجائی بیان ءِ تہ ءَ گوشت کہ گلوبل صمود  فلوٹیلا یک پرامن سول انسانی کمک ءِ گامگیج اِنت کہ ایشی ءِ مول ءُ مراد سرجمیں دگنیا ءَ مظلومیں فلسطینی الس ءِ نیمگ ءَ دلگوشی دیگ اِنت۔ دری کارانی وزیر آناں میاں اوستمانی آپ آنی تہ ءَ پیسریگیں فلوٹیل آنی ھلاپ ءَ اسرائیل ءِ مداخلت آنی سر ءَ سک باز جیڈھ ءِ درشانی کتگ ءُ سول جہاز ءُ انسانی کمک کارندہ آناں نشانگ جوڑ کنگ ءِ سر ءَ زوراکیں کارروائی آنی برجاہ دارگ ءِ مذمت کتگ۔ آہاں گشتگ کہ اے وڑیں اُرشاں ھوار جہازانی سرا اُرش ءُ کارکنانی وتی مرضی ءَ دزگیر کنگ ءِ سبب ءَ میاں اوستمانی کانود ءُ میان استمانی انسانی کمک ءِ کانود ءِ سرا ھاسیں خلاف ورزی انت۔ یکجائی بیان ءِ رد ءَ درئی کارانی وزیراں فلوٹلا ءِ سول شریکیں مردمانی جان سلامتی ءُ ایمنی ءِ بابت ءَ سکیں جیڈھ ءِ درشانی کتگ ءُ درستیں دزگیریں جھدکار آنی زوت یلہ کنگ ءِ لوٹ کتگ ءُ ھمے رنگ ءَ آھانی ھک ءُ شرپ ءِ سرجمیں احترام ءِ لوٹ کتگ۔ دری کارانی وزیر آں گوشت کہ پرامن انسانی کمک ءِ کارروائی آنی سر ءَ بار بار اُرش ءِ سبب ءَ میاں اوستمانی کانود ءُ جہاز رانی ءِ آجوئی ءِ برجاھیں بے  شرپی  ءِ درشان اِنت۔ آہاں چہ میاں اوستمانی براتی ءَ لوٹ کتگ کہ آ وتی قانونی ءُ اخلاقی ذمہ واریاں پیلو بہ کنت، شہری ءُ انسانی کمکی مشن آنی ایمنی ءَ را دل یکیمی بہ کنت ءُ اے خلاف ورزی آنی ھلاسی ءِ ھاترا ٹھوس گامگیج بہ زوریت ءُ ذمہ وار آناں احتساب بہ کنت۔