اقوام متحدہ ءَ آبنائے ہرمز ءِ پدا پچ کنگ ءَ را وش آتک کتگ ءُ دمگ ءِ تہ ءَ کشاں چیل ءِ کم کنگ ءِ اُمیت کتگ

اقوام متحد ہ۔18اپریل  (اے پی پی): اقوام متحدہ ءِ سیکرٹری جنرل انتونیو گوتریس ءَ ایران ءِ آبنائے ہرمز ءِ تجارتی جہاز رانی ءِ واستہ پچ کنگ ءِ جار ءَ را وش اتک کتگ۔ اقوام متحدہ ءِ جارکش اسٹیفن ڈوجاریک ءِ نیمگ ءَ شنگ بوتگیں بیان ءِ رد ءَ سیکرٹری جنرل ءَ اے گامگیج ءَ را ”درستیں راہ ءِ تہ ءَ یک ھاسیں گامگیج“ لیک اِتگ۔ بیان ءِ تہ ءَ گوشگ بوتگ کہ اے پیسلہ اسرائیل ءُ لبنان ءِ نیام ءَ جنگ بندی ءِ وھد ءَ آبنائے ہرمز ءِ سرجمیں رنگ ءَ تجارتی چست ءُ ایر آنی واستہ پچ کنگ ءَ گوں سیادی دار ایت۔ سیکرٹری جنرل ءَ میاں اوستمانی تک ءَ برجاھیں جیڈھ آنی پرامن گیواری ءِ واستہ سفارتی کوشست آنی سرجمیں حمایت ءِ پدرائی کت ءُ امیت ءِ درشان کت کہ اے گامگیج ءُ جنگ بندی ءَ چہ پریک آنی نیام ءَ دل یکیمی ءِ تہ ءَ کمک رسیت۔ آئی ءَ پاکستان ءِ نیمگ ءَ برجاھیں مذاکرات ءِ عمل ءَ را ھم ساڑات۔