امریکہ ءُ ایران ءِ گپ ءُ تران ءِ برجاہ دارگ ناگزیر اِنت، پیچیدہ ءُ دیریں جیڑہ ءِ گیش ءُ گیوار یک سیشن ءِ تہا ممکن نہ اِنت، انتونیو گوتریس

اقوام متحدہ ۔15اپریل  (اے پی پی): اقوام متحدہ ءِ سیکرٹری جنرل انتونیو گوترز ءَ گشتگ امریکہ ءُ ایران ءِ نیام ءَ گپ ءُ تران ءِ دوبر بندات کنگ ءِ سک باز امکان است انت۔ سین ہوا ءِ رد ءَ اقوام متحدہ ءِ بنجاہی کارگس ءَ احوالکاراں گوں تران کنان ءَ آئی ءَ گوشت کہ دستیابیں اشارہ آنی رد ءَ اے گپ ءُ تران پدا بندات بوت کنت ءُ اے عمل ءِ برجاہ دارگ سک باز المی اِنت۔ انتونیو گوتریس ءَ گوشت کہ اے وڑیں پیچیدہ ءُ دیریں جیڈھ ءِ گیواری یک دیوان ءِ تہ ءَ رسگ نہ بیت پمیشکا گپ ءُ تران ءِ برجاہ دارگ ناگزیر اِنت۔ آئی ءَ اے گپ ءِ سر ءَ زور پر دات کہ گپ ءُ تران ءِ وھد ءَ جنگ بندی برجاہ بہ بیت ءُ اگاں ضلورت بوت گڈا جنگ بندی ءَ را گیش پراھی کنگ بہ بیت ۔ اقوام متحدہ ءِ سروک ءَ گیش گوشت کہ اے جیڈھ ءِ ھچ وڑیں فوجی گیواری نیست ءُ دائمی امن ءِ واستہ برجاھیں سفارتی کوشست ءُ سیاسی جزم ءِ ضلورت اِنت۔ آئی ءَ میاں اوستمانی براتی ءَ را زور پر دات کہ آ تناؤ ءِ بدل ءَ سفارتکاری ءَ را دیم ءَ برگ ءُ میاں اوستمانی کانود ءِ رد ءَ عمل کنگ ءَ را دل یکیمی بہ کنت۔