بیلفاسٹ۔ 18جولائی (اے پی پی) اوغانستان و آئر لینڈ نا کرکٹ ٹیم تا نیام اٹ پنچ میکو و آخری ون ڈے انٹرنیشنل (اینو ) سے شنبے آ سول سروس کرکٹ کلب ، بیلفاسٹ اٹی گوازی کننگک۔ مہمان ٹیم اوغانستان ئِ پنچ میچ آتا سیریز اٹی 2-1نا برتری دوئی ئِ۔ہڑتوم آ ٹیم تا نیام اٹ اولیکو میچ پِر انا گواچی مس، ارٹ میکو میچ اٹی اوغانستان 39 رنز اٹ کٹا، آئرلینڈ مسٹ میکو میچ 6وکٹ آن کٹسا سیریز ئِ بریبر کرے واہم چارمیکو میچ اٹی اوغانستان چارمیکو میچ اٹی آئرش ٹیم ئِ 79 رنزاٹ زیر کرسا اسہ وار ولدا برتری دوئی کرے۔
