کینیڈا ، پاکستانی ہائی کمیشن اٹی یومِ پاکستان ءِ جوش و جوزہ اتون اڈتننگا

آٹووا۔ 24 مارچ (اے پی پی) کینیڈا نا دارالحکومت آٹووا ٹی پاکستان نا ہائی کمیشن اٹی یومِ پاکستان وطن دوستی نا پورو جوش و جوزہ اتون اڈتننگا ،  ہائی کمشنر محمد سلیم چانسری نا دنگ اٹی  اسہ پروقار ءُ دود اسے ٹی قومی بیرک ءِ چست کرے ہراٹی پاکستانی برادری، ہائی کمیشن نا عملہ، طالب علم آک اور پاکستان نا سنگت آک بھلو کچ اسے ٹی بشخ ہلکر ۔دا وخت آ صدرِ مملکت آصف علی زرداری، وزیراعظم محمد شہباز شریف اور نائب وزیراعظم و وزیر خارجہ سینیٹر محمد اسحاق ڈار نا خاص آ کلہو آتے خوانسا بنفنگا۔ دا کلہو آتیٹی پاکستان ءِ اسہ سوگو اور شون ہلوک ءُ ملک اس جوڑ کننگ نا وژن ءِ عملی دروشم اس تننگ نا عزم انا درشانی ءِ کننگا۔ہائی کمشنر محمد سلیم تینا تران اٹی بانیاںِ پاکستان نا نظریہ غا عمل کننگ آ زور شاغا اونا بدل مفروک عزم و بے پناہ قربانی تے خراجِ عقیدت پیش کرے۔ او پارے کہ پاکستان ہروخت قومی عزم، راجی و اقتصادی شونداری، علاقائی امن اور جہانی برادری تون تعمیری رابطہ کن پاکستان نا پدریسہ کوشست آتیا ہم زور شاغا ۔ ہائی کمشنر واپاری ، زرکاری ، بڑزکو تعلیم و الس تون الس نا رابطہ غاتے ٹی ودوک آ کمکاری نا ذکر ءِ کرے ۔ اوپاکستان و کینیڈا نا تعلقداری تا مثبت پلو آتے تالان کرے ۔ہائی کمشنر ہڑتوم آ کنڈآتا تعلقداری تے سوگو کننگ اٹ کینیڈا ٹی رہینگوک پاکستانی تا کمکاری نا ستاءِ کرے ۔ دود انا ایسر اٹی پاکستان نا شونہالی ، سوگوی اور شونداری کن خصوصی دعا کننگا۔