بحرین ءِ بادشاہ ءَ غزہ ءَ جنگ بندی ءِ ضلورت ءِ سرا زور داتگ

واشنگٹن ۔20فروری  (اے پی پی): بحرین ءِ بادشاہ حمد بن عیسیٰ آل خلیفہ  ءَ امریکہ ءَ  "بورڈ آف پیس” ءِ اولی دیوان ءَ وتی گشتانک ءِ ساھت ءَ غزہ ءَ جنگ بندی ءِ ضلورت ءِ سر ءَ زور پر دات۔ العربان ءِ رد ءَ بحرین ءِ بادشاہ حمد بن عیسیٰ آل خلیفہ  امریکی صدر ڈونلڈ ٹرمپ ءِ دعوت ءِ سرا امن بورڈ ءِ اولی دیوان ءَ بہر زورگ ءِ ھاترا واشنگٹن ءَ سر بوتگ ات۔ شاہ حمد بن عیسیٰ آل خلیفہ  ءَ میاں اوستمانی ءُ دگنیا ءَ امن، ایمنی ءُ مھکم کنگ ءِ واستہ میاں اوستمانی کوشست آناں کمک کنگ ءُ دمگی ءُ جھان ءِ چیلنج آناں گیواری ءِ واستہ گپ ءُ تران ءُ کمک ءِ چینل آناں دیمروئی دیگ ءِ واستہ بحرین ءِ جزم ءِ  درشان  کت۔ اے درگت ءَ شاہ حمد بن عیسیٰ آل خلیفہ  ءَ امریکی صدر ڈونلڈ ٹرمپ ءِ کوشست آناں وش آتک کت کہ آ غزہ ءِ دمگ  ءَ دائمی امن ءِ موہ آناں گیش بہ کنت، ایشی ءِ نوک جوڑیشت، غزہ ءِ واستہ ٹرمپ ءِ امن منصوبگ ءِ سر ءَ عمل کنگ، فلسطینی الس ءِ جائزیں ھک آنی رکھینگ ءُ دمگی ءُ جھان ءِ استحکام ءِ کمک ءَ بہ کنت۔ آئی ءَ گوشت کہ اے دیوان ءَ مئے بھر زوری ءَ چہ ڈکال ءُ جیڈھ آناں گیواری ءِ واستہ یکجائی ءَ کار کنگ ءِ ارزشت ءِ سر ءَ مئے مھکمیں جزم ءِ پدر کنگ بیت ءُ گپ ءُ تران ءُ سفارتکاری ءِ سر ءَ بنیات ءِ سر ءَ پرامنیں گیواری ءِ حمایت کنگ بیت کہ ایشی ءَ چہ شہری آنی رکھینگ، ایمنی ءُ برجائی ءِ ھاترا کمک رس ایت، الس ءِ مفاد آنی رکھینگ ءُ دمگ ءِ امن ءِ تہ ءَ مھکم کنگ بیت۔