دبئی ءَ جھان ءِ جان سلامتی ءِ نمائش 2026 ءِ بندات، پاکستان ءَ نمائش ءَ جان سلامتی ءِ پڑ ءَ نوکیں چیز آنی درشان

دبئی ۔10فروری (اے پی پی): دبئی ءَ جھان ءِ جان سلامتی ءِ نمائش 2026 ءِ بندات بوتگ۔ اے نمائش 12 فروری ءَ تاں برجاہ بیت۔دبئی ءَ پاکستان ءِ قونصل جنرل ءِ نیمگ ءَ چہ جاڑی بوتگیں پریس ریلیز ءِ رد ءَ پاکستان پویلین ءِ بنگیج ورلڈ ہیلتھ نمائش (ڈبلیو ایچ ایکس) 2026 ءَ کنگ بوتگ۔ محمد صالح ءِ ہمراہی ءَ نمائش ءِ تہا بہر زوروکیں پاکستانی کمپنیانی نمائندگ آں گوں ھوار انت۔ ٹریڈ ڈویلپمنٹ اتھارٹی آف پاکستان ءِ نیمگ ءَ برجم دارگ بوتگیں اے نمائش ءَ پاکستانی 40 نامداریں کمپنی بھر زوری کنگ ءَ اَنت کہ ایشی ءِ تہ ءَ جان سلامتی ءِ شوبگ ءَ مینوفیکچرنگ، میڈیکل ڈیوائسز، سرجیکل انسٹرومنٹس ءُ دوا ءُ درمان ءِ نوکیں چیز آنی تہ ءَ وتی توانائی آنی درشان کنگ بوھگ ءَ اِنت۔ اے بھر زوری ءَ چہ پاکستان ءِ جھان ءِ جان سلامتی ءِ صنعت ءِ تہ ءَ گیش بوھوکیں کرد ءِ سر ءَ چمشانک دیگ بیت۔ 2026 ءِ جھان ءِ جان سلامتی ءِ نمائش ، امارات ءِ وزارت جان سلامتی ءُ ھاندان ءِ میزبانی ءَ ، دنیا ءِ مزنیں ءُ معتبریں جان سلامتی ءِ نمائش آنی تہ ءَ یکے ۔ اے سال ءَ اے نمائش ءَ 4300 ءَ چہ گیش نمائش کنوک آنی میزبانی کنگ ءَ اِنت ءُ 180 ءَ چہ گیش ملک آنی 235ہزار ءَ چہ گیش جان سلامتی ءِ پیشہ ور، پالیسی ساز ءُ صنعت ءِ رہشون آناں را وتی نیمگ ءَ راجینگ ءِ گمان اِنت۔ اے موہ ءِ سر ءَ گشتانک دیان ءَ علی زیب خان ءَ گوشت کہ ڈبلیو ایچ ایکس ءَ پاکستان ءِ بھر زوری سرجیکل انسٹرومنٹس، میڈیکل ڈیوائسز ءُ فارماسیوٹیکل ءِ شوبگ ءَ ملک ءِ گیش بوھوکیں صلاحیت آنی درشان اِنت کہ آ وتی کوالٹی، مقابلہ ءُ نوآبادیاتی ءِ واستہ جھان ءِ تک ءَ منگ بنت۔ آئی ءَ گیش گوشت کہ پاکستانی کمپنی جھان ءِ جان سلامتی ءِ رہبند ءُ مارکیٹ ءِ ضلورت آنی رد ءَ نوکیں چیز پیش کنگ ءَ اَنت۔ امارات پاکستان ءِ دومی مزنیں تجارتی شریک اِنت ءُ ڈبلیو ایچ ایکس دو نیمگی تجارتی ءُ سرمایہ کاری ءِ سیادی ءَ را گیش مھکم کنگ ءِ ھاترا یک ھاسیں موہ ءِ دات کنت۔ امارات ءِ مھکمیں جان سلامتی ءِ نظام پاکستانی برآمدکار آنی واستہ دمگی ءُ جھان ءِ مارکیٹ آنی تہ ءَ سر بوھگ ءِ یک جوانیں وسیلگ اِنت۔ (WHX)2026 ءِ تہ ءَ بھر زوری ءَ چہ پاکستان ءِ گلوبل پروفائل ءَ را گیش کنگ ءِ اُمیت اِنت، جان سلامتی ءِ برآمدات ءَ را گیش کنگ ءُ پاکستان ءُ امارات ءِ نیام ءَ اقتصادی کمک ءَ را گیش مھکم کنگ ءِ اُمیت اِنت۔