پاکستان ءُ امریکہ ءِ سیادی 2026 ءَ گیش مھکم بوھگ ءِ گمان انت، پاکستانی سفیر

واشنگٹن۔1جنوری  (اے پی پی): 2025 ءِ ساھت ءَ پاکستان ءُ امریکہ ءِ سیادی آنی تہ ءَ آشوبی بدلی ءِ سر ءَ چمشانک دیان ءَ امریکہ ءِ تہ ءَ پاکستان ءِ سفیر رضوان سعید شیخ ءَ امیت ءِ درشانی کتگ کہ 2026 ءَ دوئیں ملک آنی نیام ءَ سیادی گیش مھکم بنت۔ آئی ءَ اے امیت ءِ درشان کت کہ دو نیمگی سیادی آنی تہ ءَ گیش مزنیں پیشرفت بیت۔ پاکستان ءِ سفیر ءَ گوشت کہ پاکستان ءُ امریکہ ءِ سیادی آنی واستہ 2025ءِ سال آشوبی سال ءِ رنگ ءَ ثابت بوتگ۔ ما نہ ایوک ءَ دیستگ بلکیں عملی رنگ ءَ دو نیمگی سیادی ءِ تہ ءَ نزیک ءَ ھشت دہائی آنی تہ ءَ جوانیں رفتار ءِ احساس کتگ۔ آئی ءَ گوشت کہ دوئیں ملک آنی نیام ءَ انسداد ناشرکاری، جان سلامتی ءُ وانگ ءُ زانگ ءِ شوبگ آنی تہ ءَ کمک برجاہ بوتگ، البت ایشی ءِ گوما نوکیں شوبگ آنی ھم پجار کنگ بوتگ کہ ایشی ءِ وسیلگ ءَ دیریں سیادی ءَ را مھکمیں اقتصادی سیادی ءِ بنیات ءِ سر ءَ اسٹریٹجک ءُ دراجیں مدتی شریکداری ءِ تہ ءَ بدل کنگ بوت کنت۔ پاکستانی سفیر ءَ گوشت کہ ما آئی ٹی، معدنیات، توانائی، مہمان نوازی، سیل ءُ سواد ءُ اے دگہ شوبگ آناں وت مہ وتی کمک ءِ واستہ نوکیں موہ آنی رنگ ءَ پجار کتگ، ایشی ءَ را وھد ءِ چکاس ءَ برجم دارگی اِنت۔ آئی ءَ گوشت کہ سال 2025 ءِ ساھت ءَ دوئیں ملک آنی سروکی آنی نیام ءَ بازیں گند ءُ نند بوتگ، سفیر رزوان سعید شیخ ءَ گوشت کہ پاکستان ءُ امریکہ ءِ نیام ءَ مردم آنی نیام ءَ مردم آنی رابطہ ءُ برجمیں بیپاری سیادی آناں دیمروئی دیگ ءِ ضلورت اِنت۔ پاکستانی سفیر ءَ گوشت کہ اگاں ما 2025 ءَ کمک ءِ واستہ نوکیں پڑ ءُ موہ آنی پجار کتگ ءُ سال ءِ گڈ ءَ اے کامیابی آناں وش آتک کنگ ءَ آں بلے نوں اے ھیال آناں عملی کار آنی تہ ءَ بدل کنگ ءِ واستہ سنجیدگی ءَ گوں ھیال ءُ لیکہ کنگ ءُ منصوبگ بندی کنگ المی اِنت۔