داعش بھارت اٹی اودیم گروہ اس جوڑ کننگ نا کوشست ئِ کننگ ئِ، عراقی سفیر

نئی دہلی۔ 15جولائی (اے پی پی) عراق نا سفیر پارینے کہ داعش بھارت اٹی اودیم گروہ اس جوڑ کننگ نا کوشست کننگ ئِ۔ بھارت نا احوالکار آتارداٹ نئی دہلی ٹی میڈیا تون ہیت وگپ کرسا عراقی سفیر فخری حسن آل عیسی سویلی ایشیاٹی ودوک آ انتہاءپسندی نا ذکر ئِ کرسا پارے کہ بھارتی حکومت ئِ تینا ملک اٹی داعش نا کنڈآن دہشت گردانہ جلہو آتے توننگ کن انتہاپسند گروہ و اونا مخ تف آتیا پابندی خلنگ نا گرج ئِ۔ اوپارے کہ داعش نا مخ تف آک جتا ملک آتا مالی کمک آن داعش نا اثرورسوخ ئِ ودفیرہ و اوڑکن دہشت گردہم پر کیرہ۔ عراقی سفیر پارے کہ داوڑنا بندغ نا کوشست آتیان ورنا ک انسانیت نا مابت آن مر مریرہ ودا بندغ آتا غٹ آن بھلا مسخت ورناتے دہشت گردی کن تیار کروئی مریک۔