واشنگٹن۔ 15جولائی (اے پی پی) امریکی صدر براک اوباما فرانسیسی شار نیس اٹی مروک آ جلہو نا سخت مذمت ئِ کرسا اودے خوفناک دہشت گردانہ جلہو اس گوندانے۔ جرمن احوالکار آتارداٹ براک اوباما 84بندغ نا تپاخت نا سوب جوڑ مروک آ داواقعہ نا جاست وپاست کن فرانس ئِ کمک نا پیش کش ہم کرینے۔ امریکی صدر نا پاننگ ئس کہ امریکی الس نا کنڈآن او فرانس اٹی خوفناک دہشت گردانہ جلہو نظر بروک آ داواقعہ نا سخت انگا لوز آتے ٹی مذمت ئِ کیک ہرانا نتیجہ ٹی کیہی بندغ آک تپاخت و ٹھپی مسنو۔ اونا مستی پاننگ ئس کہ دا جلہو نا تناظر اٹی او تینا غٹ آن متکن انگا اتحادی فرانس تون سلوک ئِ۔
