اقوام متحدہ۔ 14جولائی (اے پی پی) اقوام متحدہ نا امن نا اڈتننگ کن آپریشنز نا سروک لیڈ سوس ہارف خبڑدار کرینے کہ سویلی سوڈان اٹی جنگ بندی نا باوجود جنگ انا پین تالان مننگ نا گڑتی ئِ۔ دا جنگ بندی سویلی سوڈان نا دارالحکومت جوباٹی صدر سلوا کیر نا فوج و باغی تا لیڈر ریک مچار نا مخ تف جنگوڑوآتا نیام اٹ مروک آ جھیڑہ غاتیان گڈ عمل اٹی ہتنگاسس۔ 2013 ءٹی دا ہڑتوم آ راہشون تا نیام اٹ بناءمروک آ اقتدار نا جنگ اسہ سلہہ بندتنازعہ اسیٹی بدل مسوسس ہرانا سوب دا جنگ اٹی ہزار آ بندغ آک خلنگانو۔
