بغداد۔ 14جولائی (اے پی پی) عراق نا وزیراعظم حیدرالعبادی پارینے کہ موصل ئِ داعش آن آجو کرفنگ کن آپریشن اٹی ترندی ہتنگ انگ ئِ۔ عراقی احوالکار آتارداٹ بغداد اٹی کابینہ نا میٹنگ اٹی وزیراعظم حیدرالعبادی پارے کہ موصل ئِ آجو کرفنگ نا آپریشن اٹی عراقی فوج بھاز ترندی اٹ مون آ ہِننگ ئِ۔ او پارے کہ داعش نا شیرازہ دانگ اینگ مسنے۔ اوپارے کہ القیارہ ٹی داعش نا سد آ دہشت گرد آک تپاخت کرینو۔ عراقی وزیراعظم مستی پارے کہ ہنداوڑ فلوجہ نا خڑک ہم داعش نا سد آ دہشت گرد آک خلنگانو۔ اوپارے کہ بغداد نا علاقہ الکرادہ و البلد اٹی مروک آ دہشت گردانہ جلہو آتیان گڈ صحرائے الانبار اٹی داعش نا ہزار آ بندغ آتے مرک انا گواچی کننگانے۔ وزیراعظم حیدرالعبادی نا پاننگ ئس کہ الکرادہ نا دہشت گردانہ جلہو و اوکان گڈ ہوکا کرسا داعش موصل ئِ آجوکرفنگ نا آپریشن کور کرفنگ خوائسکہ ولے تینا دا مسخت اٹی بے سہب مس۔
