ایدھی ئَ را بنی آدم دوستی ئِ پد دادءُ سلام پیش کنگ بوتگ
ورناھ عبدالستار ایدھی ئِ پادپداں بہ رﺅ اَنت ءُ بنی آدم دوستی ئَ را وتی مول ءُ مراد جوڑ بہ کن اَنت، قونصل جنرل
شکاگو۔ 13جولائی ( اے پی پی) نامداریں چاگردی ازمت کار عبدالستار ایدھی ئِ ھاترئَ بنی آدم دوستی ئِ پدئَ دادءُ سلام پیش کنگئِ ھاترئَ امریکی شہر شکاگو ئَ پاکستانی قونصل خانہ ئَ مراگشے ھڈ کنگ بوتگ۔ اے موھئِ سرئَ گوشتانک دیﺅکاں عبدالستار ایدھی ئَ را آئی ازمتانی پد سک باز دادءُ سلام پیش کتگ ءُ آئی ئَ را © ” رحمت ئِ پرشتگ“ لیک اِتگ۔ شکاگو ئَ پاکستانی قونصل جنرل فیصل نیاز ترمذی ئَ وتی ترانئِ تہا ورناھی سرئَ زورپِر داتگ کہ آ عبدالستار ایدھی ءِ پاد پداں بہ رﺅ اَنتءُ بنی آدم ئِ رنگءُ نسل ئِ بے ریا روح ازمتئَ را وتی مول ءُ مراد جوڑ بہ کن اَنت۔ آئی ئَ گشتگ کہ عبدالستار ایدھیئِ وڑیں مردم مے دین ءُ ملکئِ راستی عکسئَ پیش کن اَنت ءُ مارا اے کشک ئَ را پدرکنگ ئِ ضلورت اِنت۔ اے موھئِ سرئَ پاکستانی قونصل جنرل ئَ ھال داتگ کہ عبدالستار ایدھی ئِ بیرانیئِ سرئَ شکاگوئَ پاکستانی قونصل جنرل ئَ اپسوز کنگئِ کتابے ایر کنگ بوتگ کہ ایشی ئِ تہا مزنیں کساسے ئَ سرکاری حکام ءُ سفارت کار وتی مارشت نبشتہ کتگ اَنت۔
