پاکستان ءَ ھوار اقوام متحدہ ءِ باسکیں ملکاں جھان ءِ تک ءَ مصنوعی ذہانت ءِ واستہ ڈیجیٹل برابری ءُُ مھکمیں رکھینگ ءِ ھاترا وتی جزم ءِ درشانی کتگ

اقوام متحدہ- 18دسمبر (اے پی پی): پاکستان ءَ ھوار اقوام متحدہ ءِ باسکیں ملک آں جھان ءِ تک ءَ ڈیجیٹل برابری ءُُ مصنوعی ذہانت ءِ واستہ مھکمیں رکھینگ ءِ ھاترا وتی جزم ءِ درشان کتگ۔ انٹرنیٹ ءُ ڈیجیٹل ٹیکنالوجی ءِ سر ءَ مزنیں چار ءُ تپاسی ءِ عمل ءِ گڈ ءَ برجم داشتگیں دیوان ءَ اقوام متحدہ ءِ باسکیں ملک آنی تہ ءَ گیش بوھوکیں ڈیجیٹل فرق ءَ را گیش کنگ ءُ مصنوعی ذہانت (اے آئی) ءِ واستہ مھکمیں رکھینگ ءِ ضلورت ءِ سر ءَ زور پر دات۔ اقوام متحدہ ءِ تہا پاکستان ءِ مستقل نمائندہ عاصم افتخار احمد ءَ مزن تک ءِ دیوان ءَ گوشت کہ ڈیجیٹل ٹیکنالوجی ءَ چہ موہ گیش بوتگ انت بلے نوکیں نابرابری ھم دیم ءَ آیگ ءَ انت کہ ایشی ءِ واستہ ترندیں یکجائی گامگیج ءِ ضلورت انت۔ پاکستانی نمائندہ ءَ گوشت کہ آئی ءِ حکومت ڈیجیٹل ٹرانسفارمیشن ءِ نیمگ ءَ فیصلہ کنوکیں گامگیج کنگ ءَ اِنت، ایشی ءِ تہ ءَ اے سال ءَ ’’ڈیجیٹل نیشن پاکستان ایکٹ‘‘ ءُُ ’’نیشنل اے آئی پالیسی‘‘ ءِ منظوری ھوار اِنت، ایشی ءَ چہ یک ایمن، ھواریں ءُُ آیوکیں وھد ءِ واستہ تیاریں ڈیجیٹل سسٹم ءِ واستہ مھکمیں بنیات ءِ پجارینگ بیت۔ آئی ءَ گوشت کہ وتی ’’اودان پاکستان‘‘ منصوبگ ءِ چیر دستی ءَ ایشی ءِ تہ ءَ ای پاکستان یک مرکزی بھرے پاکستان رابطہ کاری ءَ را گیش کنگ، ڈیجیٹل پبلک انفراسٹرکچر ءَ را مھکم کنگ، ای گورننس ءَ را دیم ءَ برگ ءُُ مہارت آنی دیمروئی ءِ تہ ءَ سرمایہ کاری ءِ نیمگ ءَ کار کنگ ءَ اِنت۔ آئی ءَ انفارمیشن سوسائٹی ءِ عمل ءِ سر ءَ ورلڈ سمٹ ءِ سر ءَ وتی عزم ءِ پدا زور دات ءُُ گوشت کہ ما اے گپ ءَ را دل یکیمی کنگ ءِ واستہ درستیں شریک آنی گوما کار کنگ ءَ تیار آں کہ آئی سی ٹی ءُُ نوکیں ٹیکنالوجی شمولیت، مشترکہ وشھالی ءُُ پائیدار دیمروئی ءِ وسیلگ ءِ رنگ ءَ کار بہ کن اَنت۔ زانگ بہ بیت کہ دو روچی دیوان کہ انفارمیشن سوسائٹی ءِ بابت ءَ جھان ءِ سروک دیوان (WSIS+20) ءِ بھر بوتگ ات، ڈیجیٹل دیمروئی، رسائی ءُُ ھوار کنگ ءِ واستہ یک جھان ءِ پلیٹ فارم بوتگ ات۔ مستریں جائزہ ءِ دیوان انفارمیشن سوسائٹی ءِ بابت ءَ جھان ءِ سروک دیوان بوتگ کہ 2003 ءَ بندات کنگ بوتگ ات کہ ایشی ءِ تہ ءَ سرجمیں دگنیا ءِ ملک آناں یکجاہ کنگ بوتگ ات ءُُ انفارمیشن ءُ کمیونیکیشن ٹیکنالوجی (آئی سی ٹی) ءِ نپ ءُُ سیت آنی سر ءَ گپ ءُُ تران کنگ بوتگ ات۔ نوں کہ انٹرنیٹ زند ءِ یک جتائیں بہرے جوڑ بوتگ، دیوان ءَ اے گپ ءِ سر ءَ زور پر دات کہ ایوک ءَ مردماں آن لائن آرگ بس نہ اِنت بلکیں اے آئی ءَ ھوار ڈیجیٹل ٹیکنالوجی ءِ ھما رنگ ءَ رھبند جوڑ کنگ بہ بیت کہ انسانی ھک آنی رکھینگ بہ بیت، بھروسہ ءِ جوڑ کنگ بہ بیت ءُ ڈیجیٹل فرق کم بہ بیت۔ دیوان یک دستاویز ءِ گوما آسر بوت کہ ایشی ءِ تہ ءَ باسکیں ملک آنی نیمگ ءَ انسانی مرکز ءِ ڈیجیٹل آیوکیں وھد ءِ ھاترا وتی عزم ءِ پدا پدر کنگ بوت۔ آئی ءَ ڈیجیٹل فرق ءَ را پُل کنگ ءِ ضلورت ءِ سر ءَ زور پر دات، ڈیجیٹل انفراسٹرکچر ءُُ مہارت آنی تہ ءَ سرمایہ کاری کنگ ءُُ ڈیجیٹل دیمروئی ءِ واستہ پالیسی ءِ چاگرد ءَ را مھکم کنگ ءِ ضلورت ءِ سر ءَ زور پر دات۔ آئی ءَ ڈیجیٹل ءُ اے آئی ءِ بھروسہ مندیں گورننس ءِ ارزشت ءَ را ھم پدر کتگ۔