پاکستان نا یوکرین جنگ اٹی پت و پرامن بقائے باہمی نا رکھ انا گرج آ زور

اقوام متحدہ۔ 09 دسمبر (اے پی پی) پاکستان یوکرین جنگ اٹی پت انا کمتی و پرامن بقائے باہمی نا خطرہ غاتیا جہانی برادری ءِ خبڑدار کرینے۔ اقوام متحدہ ٹی پاکستان نا سفیر عاصم افتخار احمد پارینے کہ یوکرین اٹی برجا شدید جنگ جہانی پت ءِ نزور و پرامن بقائے باہمی ءِ شدید دباؤ ٹی شاغانے و ہندا رداٹ جھیڑہ غاتا پرامن ایسری و کمکاری ٹی زرکاری ءِ ودفنگ نا گرجءِ۔ اوسلامتی کونسل آن خواست کرے کہ او ’’او ایس سی ای‘‘ تون شریداری ءِ مون آ دے تانکہ جہانی سوگوی، کانود نا پاسداری و اقوام متحدہ نا کماشی ٹی کثیر الجہتی اصول آتا مخ تفی ءِ کننگ مرے۔ سفیر زور شاغا کہ جہانی کمیونٹی  کوہلسنکی اصول آتے دُوارہ زندہ کرسا پت و سیکورٹی ءِ ودفنگ نا گام گیج (سی بی ایمز) ءِ تینا کننگ، گپ وتران و سفارتکاری آ چکار کننگ نا گرج ءِ۔ اوپاکستان نا موقف ءِ پیدوار کرسا پارے کہ ساڑی جہانی سیاسی بے چیٹی ٹی امن ءِ برجاتخنگ نا غٹ آن گچین وڑکمکاری، اسیجائی سیکورٹی گام گیج و جھیڑہ غاتا پرامن ایسری ءِ۔