ایس سی او ءِ کونسل آف ہیڈز آف ہیڈز آف گورنمنٹ ءِ دیوان ءَ پاکستانی ڈل ءِ سروکی ءَ نائب مزن وزیر اسحاق ڈار ءَ کنگ ءَ انت

ماسکو۔18نومبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ پاکستانی ڈل ءِ سروکی ءَ شنگھائی کمکی گل ءِ کونسل آف ہیڈز آف گورنمنٹ ءِ دیوان ءَ ماسکو ءَ 17 ءُ 18 نومبر 2025ءَ برجم داشتگ۔  درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر / دری کارانی وزیر ءَ ایس سی او ءِ باسکیں ملک آنی حکومت ءِ سروک آنی یکجائی گند ءُ نند ءَ پاکستان ءِ نیمگ ءَ روسی فیڈریشن ءِ صدر ولادیمیر پیوٹن ءِ گوما ھوار بوتگ، آئی ءَ ماسکو ءَ سرجمیں ڈل آنی دیوان ءِ سروکی کتگ۔ کونسل ءِ محدود فارمیٹ (تہنا ایس سی او ءِ باسک) دیوان ءَ وتی گشتانک ءِ ساھت ءَ نائب مزن وزیر / دری کارانی وزیر ءَ پاکستان ءِ  "شنگھائی سپرٹ”  ءِ سرا جزم ءِ نوک کت۔ آئی ءَ گوشت کہ کنکٹیویٹی، ھاٹیگ، ٹرانسپورٹ لنک، رسد ءُ انفراسٹرکچر ءِ دیمروئی ءِ شوبگ آنی تہ ءَ کمک ءَ را گیش کنگ پاکستان ءِ اولی ترجی آنی تہ ءَ ھوار اَنت۔ آئی ءَ باسکیں ملک آنی سر ءَ زور پر دات کہ آ وت مہ وتی ادائیگی ءِ واستہ راجی کرنسی آنی کارمردی ءَ را دیمروئی دیگ ءِ واستہ گامگیج بہ زور اَنت ایشی ءِ تہ ءَ ایس سی او ءِ دیمروئی بینک، ایس سی او ءِ دیمروئی فنڈ ءُ سرمایہ کاری فنڈ ءِ جوڑ کنگ ھوار اِنت۔ دمگی جاور ھال آنی ھوالگ ءَ نائب مزن وزیر / وزیر ءِ درئی کار ءَ دمگی جیڈھ آناں سرجمیں طیف ءِ گیواری ءِ واستہ سرجمیں گپ ءُ تران ءِ بندات کنگ ءِ ضلورت ءِ سر ءَ زور پر دات۔ آئی ءَ اے گپ ءِ سر ءَ زور پر دات کہ سرجمیں پڑ ءَ امن ءُ ایمنی ءِ واستہ اوگانستان ءَ برجائی المی اِنت ۔ نائب مزن وزیر/درئی کارانی وزیر ءَ ایس سی او ءِ کونسل آف ہیڈز آف گورنمنٹ ءَ دو فارمیٹ ءِ تہ ءَ وتی گشتانک ءِ تہ ءَ ٹھوس گامگیج آنی وسیلگ ءَ اقتصادی رابطہ کاری ءَ را دیمروئی دیگ ءِ واستہ پاکستان ءِ جزم ءِ سر ءَ پدا زور دات۔ آئی ءَ تجارت، سرمایہ کاری ءُ ڈیجیٹل دیمروئی ءِ وسیلگ ءَ گیش اقتصادی یکوئی ءِ ضلورت ءِ سر ءَ زور پر دات۔ انسانی کمک ءِ شوبگ ءَ آئی ءَ آفت ءِ تیاری ءِ پاکستان ءِ تجربگ ءَ را شریک کنگ ءِ پیشکش کت۔ آئی ءَ وتی تنظیمی کار آنی تہ ءَ انگریزی ءِ کارمردی ءَ را آسان کنگ ءَ ایس سی او ءِ نوآبادیاتی ءُ جھان ءِ رسائی ءَ را گیش کنگ ءِ ضلورت ءِ سر ءَ زور پر دات۔ آئی ءَ مبصر ءُ شریکیں ملک آنی گوما نزیکیں کمک ءِ تجویز پیش کتگ تانکہ اے گامگیج آنی تہ ءَ منصوبگ بندی ءِ بنیاد ءَ ھوار بہ بنت تانکہ یکجائی مول ءُ مراد آنی سر ءَ سر بہ بنت۔ آئی ءَ ایس سی او ءِ ملک آنی تہ ءَ دیمروئی منصوبگ آنی واستہ مالی کمک ءِ واستہ ایس سی او انٹر بینک کنسورشیم ءِ مہارت ءَ چہ پائدگ چست کنگ ءِ ھم سوج دات۔ ایشی ءَ ابید آئی ءَ وانگ ءُ زانگ ءِ سیادی ءَ را مھکم کنگ، انسانی سرمایہ ءِ جوڑ کنگ ءُ ورنا آناں بااختیار جوڑ کنگ ءِ سر ءَ زور پر دات ءُ استیں ایس سی او یونو ریزیڈنشل نیٹ ورک ءَ را ایپلائیڈ نالج ءِ کنسورشیم ءِ تہ ءَ بدل کنگ ءِ لوٹ کت۔ تسنگوا فارمیٹ ءِ دیوان ءِ وھد ءَ بھر زوروکاں تیانجن ءَ برجم داشتگیں ایس سی او ءِ سروک دیوان ءِ آسر آنی رد ءَ ایس سی او ءِ تہ ءَ تنظیم ءِ کار آناں نوک کنگ ءُ تجارتی، اقتصادی، دود ءُ ربیدگی ءُ انسانی کمک ءِ دیمروئی ءِ جیڈھ آنی سر ءَ ھیال ءُ لیکہ کتگ۔ گند ءُ نند ءَ منگولیا ءِ مزن وزیر، قطر ءِ درئی کارانی وزیر، کویت، بحرین، مصر ءُ ترکمانستان ءِ نمائندگ ءُ ھمے رنگ ءَ سی آئی ایس، اے ایف یو، سی ایس ٹی او ءُ سی آئی سی اے ءِ وڑیں میاں اوستمانی ءُ دمگی گل آنی سروک آنی بھر زوری بوتگ۔ ماسکو ءَ برجم داشتگیں ایس سی او کونسل ءَ نزیک ءَ درجن باب، دستاویز ءُ قراردادانی سرا ھیال ءُ لیکہ کتگ ءُ منظور کتگ۔ ایس سی او ءِ سروکاں یکجائی بیان ءِ شنگ کتگ، ایشی ءِ تہ ءَ اقتصادی کمک ءِ پڑ ءَ ایس سی او ءِ آیوکیں کار آنی اسٹریٹجک رھبند ءِ ٹھینگ بوتگ۔ کونسل آف ہیڈز آف گورنمنٹ ایس سی او ءِ دومی مستریں فورم اِنت کہ ایشی ءِ تہ ءَ بنیاتی رنگ ءَ چاگردی ءُ اقتصادی، تجارتی ءُ سرمایہ کاری ءِ شوبگ آنی تہ ءَ باسکیں ملک آنی نیام ءَ کمک ءَ را مھکم کنگ ءِ سر ءَ دلگوشی دیگ بیت۔ کونسل ءِ دیوان گوستگیں سال اکتوبر ءَ پاکستان ءِ سروکی ءَ اسلام آباد ءَ برجم دارگ بوت۔