پاکستان ءُ سری لنکا ءِ نیام ءَ دومی ون ڈے پنچ شمبے ءِ روچ ءَ راولپنڈی کرکٹ اسٹیڈیم ءَ لیب کنگ بیت

راولپنڈی۔12نومبر  (اے پی پی): پاکستان ءُ سری لنکا ءِ نیام ءَ سئے میچ ءِ یک روچی انٹرنیشنل سیریز ءِ دومی میچ پنچ شمبے ءِ روچ ءَ راولپنڈی کرکٹ اسٹیڈیم ءَ لیب کنگ بیت۔ قومی ٹیم 0-1 ءَ سیریز ءِ سروکی ءَ کنگ ءَ اِنت۔ اولی ون ڈے ءَ پاکستان ءَ سری لنکا ءَ را دلکشیں مقابلہ ءَ پد 6 رنز ءَ چہ ہلاس کتگ۔ پاکستانی ٹیم ءِ سروکی ءَ تیز باؤلر شاہین شاہ آفریدی بیت ءُ سری لنکا ءِ ٹیم چریتھ اصلنکا ءِ سروکی ءَ میدان ءَ میدان ءَ کیت۔ میچ ءِ بندات دمگی وھد ءِ رد ءَ شپ ءِ یک ءُ نیم ءَ بیت۔ سیریز ءِ سیمی ءُ گڈی ون ڈے 15نومبر ءَ ھمے جاہ ءَ لیب کنگ بیت۔راولپنڈی پولیس ءَ دومی ون ڈے ءِ موہ ءَ فول پروف سیکورٹی ءُ ٹریفک ءِ بندوبست سرجم کتگ انت تانکہ ٹیم آناں ایمن ءُ پرامنیں چاگرد ءِ پھجارینگ بہ بیت۔ پولیس ءِ جارکش ءِ رد ءَ 5500 ءَ چہ گیش پولیس ءِ کارندہ ءُُ کارندہ سیکورٹی ڈیوٹی ءِ واستہ دیم دیگ بوتگ انت ءُُ 350 ءَ چہ گیش ٹریفک وارڈن ءُُ افسر ٹریفک ءِ روانی ءِ برجائی ءِ واستہ ڈیوٹی ءِ پیلو کنگ ءَ انت۔ اسٹیڈیم ءِ کش ءُ گور ءُ نزیکیں بُرزیں ماڑیانی سر ءَ اسنائپر ایر کنگ بوتگ اَنت کہ ھرچ وڑیں ہنگامی جاور ھال ءَ گوں بروقت دیم پہ دیم بہ بنت۔ سیکورٹی بندوبست آنی نگرانی ءِ واستہ نوکیں سی سی ٹی وی کیمرہ ءِ گوما ھاسیں کنٹرول روم جوڑ کنگ بوتگ۔ ایشی ءَ ابید پولیس اسٹیشن ءِ موبائل، نخبہ فورس ءُ دلفن اسکواڈ اسٹیڈیم ءِ کش ءُ گوراں گشت ءُ گشت کنگ ءَ انت تانکہ سیکورٹی ءِ درستیں تک ءُ پہناتاں دل یکیمی کنگ بہ بیت۔ شہری آنی آسراتی ءِ واستہ ٹریفک پلان ھم جوڑ کنگ بوتگ ءُُ متبادل راہ آنی رہشونی ءِ واستہ گیشیں کارندہ ھوار کنگ بوتگ انت تانکہ کرکٹ ءِ شائقین آناں ھچ وڑیں مشکل ءِ آماچ مہ بیت۔