ڈھاکہ۔11جولائی ( اے پی پی) میاں اوستمانی نامداریں عالم دین ڈاکٹر ذاکر نائیک ئِ پیس ٹی وی ئِ شنگءُ تالانی بنگلہ دیشئَ دوشمبے ءِ روچئَ چہ مھتل کنگ بوتگ۔ پیس ٹی وی ئِ شنگ ءُ تالانی ءِ سرئَ بندش جنگئِ فیصلہ بنگلہ دیش ئِ کابینہ ئَ یک روچے پیسر کتگ بوتگ۔ دوشمبے ئِ روچئَ بنگلہ دیشی وزارت اطلاعات ئِ نیمگئَ چہ اے ھوالگئَ تچکئَ تچک پرمان جاری کنگ بوتگ۔ بنگلہ دیشی حکام ئَ گشتگ کہ اے فیصلہ اے بھتانانی پد کنگ بوتگ کہ ڈاکٹر ذاکر نائیک ئِ گوشتانکءُ خطباتئَ چہ ورناھ ناشرکاری ئِ نیمگئَ دلگوشی کنگئَ اَنت۔ ھال ءُ اھیوال کاری ءُ شنگکاری ئِ نیمگئَ چہ جاری کتگیں پرمان نامہ ئِ تہا گشگ بوتگ کہ فری ٹو ایئر پیش ٹی وی ئِ شنگءُ تالانی شرط آنی ھلاپ ورزی کنگ ئِ سببئَ مھتل کنگ بوتگ۔ پیس ٹی وی مئِ بنیات ممبئی اِنت۔
