ریاض۔ 04جولائی (اے پی پی) سعودی عرب اٹی خودکش جلہو گیر آک جدہ ٹی واقع امریکی قونصل خانہ نا ماڑی نا خڑک تینے دھماکہ اٹ ترخفیرہرانا نتیجہ ٹی 2سیکورٹی کارندہ ٹھپی مسر۔ سعودی وزارت داخلہ تینا اسہ بیان اسیٹی پارینے کہ سیکورٹی افسرآتے امریکی قونصل خانہ نا ماڑی نامون آ سلمان فقیح ہسپتال نا پارکنگ اٹی اسہ بندغ اسیا شک مس۔ ہراتم او اونا خڑک آ ہنار تو او تینے تینٹ دھماکہ اٹ ترخفے ہرانا نتیجہ ٹی جلہو گیر تپاخت و 2پولیس کارندہ زرس ٹھپی مسر۔ اوپارے کہ واقعہ نا جاست وپاست نا بنا کننگانے۔ یات سلے کہ دا جلہو امریکہ نا آجوئی نا دے انا وخت آ مسنے۔
