نیو یارک۔ 29جون (اے پی پی) اقوام متحدہ نا سیکرٹری جنرل بان کی مون ترکی ٹی دہشت گردی نا واقعہ نا ترند انگا لوز آتے ٹی مذمت ئِ کرینے ۔ اقوا م متحدہ نا دفتر آن برجاکروک بیان اٹی او استنبول نا اتاترک انٹرنیشنل ایئر پورٹ آ سم کاری و خودکش جلہو آتامذمت ئِ کرسا قیمتی جان تا نسخان آ افسوزنا درشانی ئِ کرینے۔ اوپارے کہ او دا ڈکھ انا ساہت اٹی ترک الس تون تفوک ئِ۔ اقوام متحدہ نا سیکرٹری جنرل اومیت نا درشانی ئِ کرے کہ جلہو اٹی اوار عنصر آک زوت بے نقاب مریرہ و اوفتے اوفتا کروک نا سزا ترفنگک۔ بان کی مون نا پاننگ ئِ کہ دہشت گردی نا برخلاف علاقائی و بین الاقوامی واک آتے اواری اٹ کاریم کننگ نا گرج ئِ تانکہ مچ آ دنیا آن انتہاءپسندی ئِ پوروی اٹ چٹفنگے۔