لندن۔ 28جون (اے پی پی) امریکی وزیر خارجہ جان کیری یورپی یونین و برطانیہ غا زورشاغانے کہ او جتائی نا معاملہ ٹی پرامن وڑاٹ مذاکرات کیر۔ احوالکار آتارداٹ جان کیری دوشنبے آ برسلز و لندن کن رادہ مسوسس۔ جان کیری برطانوی وزیراعظم ڈیوڈ کیمرون و یورپی یونین کمیشن نا سروک تون اوڑدہی کرینے۔ برسلز اٹی ہیت وگپ کرسا اوہڑتوم آ کڑدہ غاتیا زورشاغا کہ او برطانیہ نا یورپی یونین آن جتائی نا معاملہ غا پرامن وڑاٹ مذاکرات کننگے۔لندن اٹی برطانوی وزیر خارجہ فلپ ہیمنڈ تون اوڑدہی آن گڈ ہیت وگپ کرسا پارے کہ یورپی یونین و برطانیہ نا تعلقداریک داسا بدل مسنو واہم او پارے کہ بحراوقیانوس نا ڈیہہ نا ملک آتا نیام اٹ اتحاد برقرارسلک و نن اسہ ایلو نا اسیجائی مفاد و آجوئی نا اقدار نا ایسری ئِ پٹنہ۔ اوپارے کہ امریکہ ئِ اومیت ئِ کہ برطانیہ و یورپی یونین انخلاءنا باوجود سوگو سلک۔
