نیو یارک۔ 27جون (اے پی پی) اقوام متحدہ نا سیکرٹری جنرل بان کی مون سویلی سوڈان نا قطب دیکی علاقہ غاتے ٹی پین امن فوجی تا تعیناتی نا گرج آ زورشاغانے۔ نیویارک آن جاری کروک بیان اٹی اقوام متحدہ نا سیکرٹری جنرل بان کی مون سویلی سوڈان نا قطب دیکی شار واﺅ ٹی مروک آ ساڑی آ جھیڑہ غاتیا گڑتی ظاہر کرسا او شار و اونا مضافاتی علاقہ غاتے ٹی …
سویلی سوڈان اٹی پین امن فوجی تا تعیناتی نا گرج ئِ، بان کی مون
گیشتریں ھال
نیو یارک۔ 27جون (اے پی پی) اقوام متحدہ نا سیکرٹری جنرل بان کی مون سویلی سوڈان نا قطب دیکی علاقہ غاتے ٹی پین امن فوجی تا تعیناتی نا گرج آ زورشاغانے۔ نیویارک آن جاری کروک بیان اٹی اقوام متحدہ نا سیکرٹری جنرل بان کی مون سویلی سوڈان نا قطب دیکی شار واﺅ ٹی مروک آ ساڑی آ جھیڑہ غاتیا گڑتی ظاہر کرسا او شار و اونا مضافاتی علاقہ غاتے ٹی پین فوجی تا تعیناتی نا گرج آ زورشاغانے۔ اوشار واﺅ ٹی مروک آ جھیڑہ غاتے ٹی لس شاری تا خون نا کنڈا اشارہ کرسا متحارب کرڈہ غاتیان بیدادی نا چرجوئی ئِ بند کننگ نا خواست ہم کرینے۔ تدوک آ ہفتہ ہم اقوام متحدہ نا انسان دوستانہ امور نا کوآرڈینیٹر دفتر سویلی سوڈان اٹی بیدادی ٹی ودکی آ خبر دار کریسس۔ یات سلے کہ سویلی سوڈان اٹی خانہ جنگی نا بناءغا دا ملک انا ہزار آ لس شاری ، سویلی سوڈان اٹی اڈ تروک اقوام متحدہ نا کیمپ آتے ٹی رہائش اختیار کرینو۔
