نئی دہلی۔26جون ( اے پی پی) بھارت ئِ ریاست دہلی ئَ حکمران جماہت عام آدمی پارٹی ئِ نائب سروزیرئَ ھوار 65اسمبلی ئِ باسک دزگیر کنگ بوتگ اَنت۔ بھارتی ھال رسانگ ئَ گشتگ کہ اے مردم ریاستی اسمبلی ئِ باسک دنیش موہنیا ئِ دزگیر ئِ ھلاپ ئَ مزن وزیر ئِ لوگ ئِ نیمگئَ روانک در کنگ ئَ بوتگ کہ آھودہ روانک در کنگئِ سرءَ حکم امتناعی نافذ اِنت۔ پولیس ئَ نائب سر وزیر سنیش سیسودیا ئَ ھوار عام آدمی پارٹی ئِ 65اسمبلی باسکاں تغلق روڈ ئِ نزیکئَ دارگ بوتگ، آھاں دفعہ 144ئِ ھلاپ ورزی کنگئِ سرئَ دزگیر کنگ بوتگ ءُ مزن گس سٹریٹ بندی جاھ ئَ برگ بوتگ اَنت ۔ زانگ بہ بیت کہ شمبے ئِ روچئَ جنوبی دہلی ئِ دمگ سنگم وہار ئَ چہ اسمبلی ئِ باسک دنیش موہنیا ئَ را پولیس ئَ یک پریس کانفرنسئِ تہا گھرّان کتگءُ بُرتگ۔ نائب سروزیر منیش سیسودیا ئِ ھلاپ ئَ نیوگءُ سبزی ئِ باپارانی نیمگئَ چہ بدسلوکی کنگءِ شکایت کنگ بوتگ۔
