اقوام متحدہ ۔ 26جون ( اے پی پی) اقوام متحدہ ئَ پاکستان ئِ پکہیں مندوب ڈاکٹر ملیحہ لودھی ئَ گشتگ کہ پاکستان اقوام متحدہ ئِ سلامتی کونسل ئِ تپاک نامہ ئِ روژناھی ئَ مزنیں کساسے ئَ تباہی کنوکیں سلاھانی گیشی ئِ گِرءُ دار ئِ ھاترئَ وتی زمہ واریاں جوانیں پیلو کنگ ئَ اِنتءُ اے ھوالگئَ بازیں کارے کنگ بوتگ ۔ ڈاکٹر ملیحہ لودھی ئَ اے گپ گوستگیں روچئَ اقوام متحدہ ئِ تپاک نامہ لمبر 1540ئِ تپاسی ئِ ھاترئَ ھڈ کتگیں شور ءُ صلاھی اجلاس ئِ موھ ئَ گشتگ۔ اے تپاک نامہ مزنیں کساسے ءَ تباھی کنوکیں سلاھانی گِرءُ دار ئِ ھوالگئَ اِنت۔ ڈاکٹر ملیحہ لودھیءَ اے ھوالگئَ وتی تران ئِ تہا گشتگ کہ پاکستان مزنیں کساسے ئَ تباھی کنوکیں سلاھانی گِر ءُ دار ءُ ایشاں ریاستءُ در ریاستی عباصر آنی دستاں سر بوھگئَ دارگ ئِ ھاترئَ ساپ ءُ سلاّھیں گیشءُ گیواری ئِ ھوالگئَ وتی کوشستاں کنت۔ آئی ئَ گشتگ کہ پاکستان ئَ اے تپاک نامہ نفاذ کنگئِ ھاترئَ عملی گامگیج کتگ ءُ اے ھوالگئَ کانودی ، ریگولیٹری ، انتظامی ءُ ادارہ جاتی تک ئَ گامیگج کنگ بنت۔
