بیجنگ۔ 24جون (اے پی پی) چین نا دے ٹکی صوبہ جیانگسو ٹی ترونگڑ و ترند تہوتیان کم آن کم 78 بندغ تپاخت و 800 آن زیات ٹھپی مسنو۔ برطانوی نشریاتی ادارہ نا رداٹ چین اٹی پنچ شنبے نا نن بروک آ دا طوفان تون ترند پِر ہم مس ۔ طوفان نا سوب 78 بندغ تپاخت کرینو وخت اس کہ ٹھپی مروک آک تقریباََ 500 بندغ آتیان 200 نا حالیت نازرک ئِ۔ طوفان آن کیہی اُراک ہم بھس مسنو۔ طوفان نا بارواٹی مون آ بروک ئُ اسہ ویڈیو اسے ٹی ٹھپی چناسے ہندن ہسپتال آ گدریفنگاکہ و گاڈی چپی تموک ئِ ۔ درخت آک ماس آن پیش تمانو واسٹریٹ لیٹس آتا کھمبہ غاک تمانو بجلی نا فراوانی نا نظام بھاز بے وڑ زہمی مسنے ۔ اسہ ہندی ہنکینی اس چین نا سرکاری نیوز ایجنسی ئِ پارے کہ دا باالکل ہندن ئس دنکہ دنیا چٹانے۔ چین نا صدر شی جن پنگ طوفان آن زہمی بندغ آتا ہروڑامداد نا حکم تسنے۔ یات سلے کہ ہنداوہفتہ نا نیام اٹ چین نا گیشتر علاقہ غاتے ٹی طوفانی پِر مسنے۔ سویلی بشخ اٹی بروک آ جلاب آن تقریباََ 2لکھ بندغ زہمی مسنو۔ اسہ اندازہ اسینا رداٹ دا جلاب آن سوب معیشت ئِ 41 کروڑ ڈالر نا نسخان مسنے ۔
