اقوام متحدہ۔ 23جون (اے پی پی) اقوام متحدہ نا سیکرٹری جنرل بان کی مون (اینو) جمعہ آ فرانس نا دورہ ئِ کیک ۔ جرمن احوالکار آتارداٹ اقوام متحدہ نا ترجمان تینا اسہ بیان اسے ٹی پارینے کہ بان کی مون ہفتہ آ فرانسیسی صدر فرانسوااولاند تون اوڑدہی کیک۔ اونا مون آ مزل دے ٹکی نیامی مریک۔ دے ٹکی نیامی ٹی بان کی مون کویت، اسرائیل، فلسطینی علاقہ و اردن نا دورہ ئِ کیک۔ یات سلے کہ فرانس ساڑی ہی ٹی اسرائیل و فلسطین نا نیام اٹ امن مذاکرات نا بحالی نا کوشست آتے سوگوی تننگ کن اسہ بین الاقوامی کانفرنس اس ہم اڈ تسوسس۔
