اقوام متحدہ۔ 23جون (اے پی پی) اقوام متحدہ سعودی عرب ئِ مچ آدنیا ٹی انسانیت نا شرحالی کن امداد تروک آ غٹ آن بھلا ملک گوندانے۔ عرب احوالکار آتا رداٹ اقوام متحدہ نا سیکرٹری جنرل بان کی مون نا ترجمان سٹیفن ڈوجاریک ریلیف سرجزآتے ٹی بشخ ہلنگ آ سعودی عرب نا کڑدانا ستائِ کرے۔ اوپارے کہ سعودی عرب امداد تروک آ ملک آتے ٹی ہمیش پیش پیش مسنے ۔ اوکان بیدس یو این سیکرٹری جنرل نا ترجمان نا خصوصی کمکار فرحان الحق اسہ بیان اسے ٹی پارینے کہ سعودی عرب و اقوام متحدہ نا نیام اٹ دوستانہ مراسم و سوگو تعلقداریک ئُ۔ اوپارے کہ سعودی عرب اقوام متحدہ نا دابانی ملک آتیان اسٹ ئِ ہراجہانی ادارہ نا بنداوتخنگ اٹی اہم کڑد ادا کرے ۔
