اقوام متحدہ نا قطبی شام اٹی جنگ بندی نا خواست

جنیوا۔ 22جون (اے پی پی) اقوام متحدہ پارینے کہ شام اٹی مسکوہی 5سال انا وخت آ ہسپتال و ایلو طبی بنجاءتیا مروک آ جلہو آتے ٹی داوخت اسکان 700 ڈاکٹر و طبی عملہ نا ایلو باسک آک تپاخت کرینو۔ احوالکار آتا رپورٹ آتا رداٹ داہیت ئِ یورپین کمیشن آف انکوائری نا اسہ رپورٹ اسے ٹی پاننگانے۔ دا رپورٹ جنیوا ٹی اقوام متحدہ نا انسانی حق کونسل نا سالانہ دیوان اٹی پیش کننگانے۔ دا رپورٹ اٹی فضائی و ڈغاری جلہو آتے ٹی ہسپتال وجان جوڑی نا بنجاءتے نشانہ جوڑ کننگ نا بابت آن غٹ سرجم حوال آتے تننگانے۔ رپورٹ اٹی شام اٹی ہسپتال ، طبی عملہ، و ایمبولینس آتا رکھ ئِ باوری جوڑ کننگ کن گام گیج آتیا زورشاغنگانے۔