تہران۔19جون ( اے پی پی ) ایران ءُ امریکی گراب جوڑ کنوکیں کمپنی بوئنگ ئِ درنیامئَ 100گرابانی بھاءُ سیم ئِ ھوالگئَ منءُ گر کنگ بوتگ ۔ فرانسیسی ھال رسانک ایجنسی ئَ گشتگ کہ ایران ئَ وتی بالی بیڑائَ چہ گیش کنگئِ ھاترئَ بوئنگئَ گوں گپءُ تران سرجم کتگ۔ ایران ئِ محکمہ شہری ہوا بازیئِ سروک ءَ گوستگیں روچئَ ھال داتگ کہ ایرانئِ بالی بیڑا ئِ تہا 250گراب ھوار اَنت کہ ایشانی تہا 230ئَ را مٹ کنگ بیت۔ آئیئَ گشتگ کہ امریکی گراب جوڑ کنوکیں کمپنی ئَ چہ اے ھوالگئَ گپءُ تران جاری اِنت ءُ دوھینانی درنیامئَ یک منءُ گرے ٹھینگ بو تگ۔ آئیئَ گشتگ کہ منءُ گر امریکی حکومتئِ اجازتئَ گوں بندوک اِنت زانگ بہ بیت کہ ایران ئِ سرئَ میاں اوستمانی بندش ئِ ھلاسی ئَ چہ رند امریکی کمپنی ءُ ایرانئِ درنیامئَ یک رندے پدا نزیکی تچک بوھان بوتگ اَنت۔
